Yeremia 32:17 - BAIBLO ALOO NGMAMI KLƆUKLƆU Ɔ

¹⁷ “Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Yeremia 32:17 ပူးပေါင်းရင်းမြစ်များ

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Yeremia 32:27

“Imi ji Yawɛ; nimli adesahi tsuo a Mawu ji mi. Anɛ nɔ́ ko peemi wa ha mi lo?

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Hiob 42:2

Yawɛ, i le kaa he walɔ kpetekpleenyɛ ji mo; o nyɛɔ nɛ o peeɔ nɔ́ tsuaa nɔ́ nɛ o suɔ.

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Luka 18:27

Yesu he nɔ ke, “Nɔ́ nɛ adesa nyɛ we peemi ɔ, Mawu lɛɛ e nyɛɔ peeɔ.”

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

Yesaya 45:12

Imi nɛ i bɔ je ɔ kɛ e mi nimli adesahi. I ngɔ ye he wami kɛ bli hiɔwe mi, nɛ i yeɔ pu, nyɔhiɔ, kɛ dodoe ɔmɛ tsuo a nɔ.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

La 102:25

Blema lokoo nɛ o bɔ je ɔ; mo nitsɛ o nine o kɛ pee hiɔwe ɔ.

Yeremia 51:15

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Yeremia 14:13

Kɛkɛ nɛ i de ke, “Nyɔmtsɛ Yawɛ! Mo nitsɛ o le kaa gbali ɔmɛ deɔ ma a ke ta, loo hwɔ be bae, ejakaa o wo si veveeve kaa tue mi jɔmi pɛ lɛ maa hi zugba a nɔ.”

Ni Tsumi 17:24

Mawu, nɔ nɛ bɔ je ɔ, kɛ e mi níhi tsuo ɔ, lɛ ji hiɔwe kɛ zugba Nyɔmtsɛ; nɛ e hí sɔlemi tsu nɛ a kɛ nine pee mi.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Ezekiel 11:13

Benɛ i ngɛ gbae kɛ mwɔɔ ɔ, Benaya binyumu Pelatia tsɔ nɔ si, nɛ e gbo. I kpla si, nɛ i ngɔ ye hɛ mi ngɔ bu si, nɛ i kpa ngmlaa ke, “Ao, Nyɔmtsɛ Yawɛ, e ko ba mi ja! Anɛ Israel bi bɔɔ pɛ nɛ piɛ ɔ, o ma kpata mɛ tsuo a hɛ mi pɛsɛpɛsɛ lo?”

Ezekiel 9:8

Benɛ a ngɛ ni ɔmɛ gbee ɔ, e ba piɛ imi nɔ kake too nɛ a gbi mi. I ngɔ ye hɛ mi ngɔ bu si, nɛ i kpa ngmlaa ke, “Ao, Nyɔmtsɛ Yawɛ, bɔ nɛ o ngɔ o mi mi la kɛ kple Yerusalem nɔ nɛ ɔ, anɛ o miɔ nɛ o kpata Israel bi nɛ piɛ ɔ tsuo a hɛ mi lo?”

Yeremia 4:10

Kɛkɛ nɛ i de ke, “Ao, Nyɔmtsɛ Mawu, anɔkuale mi ɔ, o sisi Yerusalem bi ɔmɛ pɛ! Mo lɛ o wo si ke tue mi jɔmi maa ba ma a mi, se klaate mohu ji nɛ ɔ ngɛ ni ɔmɛ a kuɔ si.”

Marko 10:27

Yesu hyɛ a hɛ mi too nɛ e de mɛ ke, “Nimli a blɔ fa mi ɔ, a be nyɛe maa pee, ja ngɛ Mawu blɔ fa mi; ejakaa Mawu blɔ fa mi lɛɛ a nyɛɔ níhi tsuo peeɔ.”

Matsɛmɛ II, 3:18

Elisha ya nɔ nɛ e de ke, “Nɔ́ nɛ ɔ peemi pi nɔ́ ko kulaa nɛ he wa ha Yawɛ. Yawɛ maa ngɔ Moab bi ɔmɛ hu kɛ wo nyɛ dɛ mi.

La 136:12

Lɛ nɛ e ngɔ e he wami kpetekpleenyɛ ɔ kɛ tsu nɔ́ nɛ ɔ; ejakaa e suɔmi ɔ ngɛ kɛ yaa neneene!

Yesaya 59:1

Nyɛ ko susu kaa Yawɛ nine ngɛ kpoku nɛ e be nyɛe nɛ e kɛ he nyɛ yi wami, aloo e tue ywia nɛ e nui nyɛ kue fami ɔ!

Yeremia 21:2

“Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Yeremia 33:3

“Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Zakaria 8:6

“Ke e he maa wa ha nihi nɛ piɛ ngɛ ma a mi be nɛ ɔ mi kaa ní nɛ ɔmɛ ma nyɛ ba ma a mi ɔ, anɛ imi hu e he maa wa ha mi lo?

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”