Yeremia 32:10 - BAIBLO ALOO NGMAMI KLƆUKLƆU Ɔ

¹⁰ A pee womi ngɛ zugba a juami ɔ he, nɛ i kɛ ye nine wo sisi, nɛ i sɔu nya. I tsɛ nihi odase, nɛ i ngmɛ sika a ngɛ sɛni nɔ.

Yeremia 32:10 ပူးပေါင်းရင်းမြစ်များ

Yeremia 32:44

Nihi maa ngɔ a sika kɛ ba he zugba. A kɛ a nine maa wo womihi nɛ a maa pee ngɛ zugba amɛ a he ɔ a sisi; a maa sɔu womi ɔmɛ a nya, nɛ a ma tsɛ nihi nɛ a ba ye odase. A maa pee nɔ́ nɛ ɔ ngɛ Benyamin zugba a nɔ; a maa pee ngɛ kɔpehi nɛ bɔle Yerusalem ɔ a mi, a maa pee ngɛ Yuda ma amɛ a mi; a maa pee ngɛ yo nɔ ma amɛ a mi; nɛ a maa pee ngɛ nga nɔ ma amɛ, kɛ leneyi je ma amɛ hu a mi. Imi, Yawɛ lɛ i de.”

Yeremia 32:12

I ngɔ womi ɔmɛ kɛ ha Baruk, Maseya bi Neria bi ɔ ngɛ ye tsɛko bi Hanamel, kɛ odase yeli ɔmɛ nɛ ngɔ a nine kɛ wo womi ɔ sisi ɔ, kɛ Yuda bi tsuo nɛ hii si ngɛ kue ɔ mi ɔ a hɛ mi.

Yeremia 32:25

Se Nyɔmtsɛ Yawɛ lee, mo lɛ o fa mi ke ma he zugba a ngɛ odase yeli a hɛ mi, be mi nɛ o le paa kaa a ngɔ ma a kɛ wo Babilonia bi ɔmɛ a dɛ mi.”

Yesaya 44:5

“Nɔ kake ma de ke ‘Imi lɛɛ Mawu nɔ́ ji mi;’ nɔ kake ma tsɛ e he ke Yakob. Nɔ kake hu ma kadi kɛ wo e kɔni nɔ ke, ‘Yawɛ nɔ́,’ nɛ e ma tsɛ e he ke Israel.”

Hiob 14:17

O kɛ ye he yayami ɔmɛ maa pa mi, nɛ o maa ngmɛɛ he kulaa. Tɔmihi babauu nɛ i pee ɔ, o maa gbe lɛ tsuo pɛpɛɛpɛ.

Mose V, 32:34

“Ke he nyɛli ɔmɛ pee Israel nɔ́ ko ɔ, Yawɛ hɛ ji nɔ; e mlɛɛ blɛuu kɛ ya siɔ be nɛ sa loko e gblaa a tue.

Kpojemi 9:4

A de mɛ ke a ko ta nga, loo ba mumu, loo tso ko tso ko he; nimli adesahi nɛ Mawu nɔ́ nya sɔumi nɔ́ ɔ he okadi be a hɛ nya a, á ye mɛ pɛ awi.

Kpojemi 7:2

I na bɔfo kpa ko hu nɛ ngɛ kuɔe kɛ je pu site he kɛ ma, nɛ e hɛɛ Mawu hɛ kalɔ ɔ nɔ́ nya sɔumi nɔ́. E kpa ngmlaa wawɛɛ, nɛ e de bɔfo eywiɛ ɔmɛ nɛ Mawu ha mɛ he wami ke a kpata zugba a, kɛ wo ɔ a hɛ mi ɔ ke,

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Efesobi 1:13

Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

2 Korintobi 1:22

nɛ e wo wa he so. Lɛ nɛ e ngɔ Mumi Klɔuklɔu ɔ ngɔ wo wa tsui mi kɛ ma níhi tsuo nɛ e wo si ke e ma ha wɔ ɔ a nɔ mi.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Yohane 3:33

Nɔ tsuaa nɔ nɛ heɔ e munyu ɔ yeɔ ɔ, yeɔ odase kaa Mawu tuɔ anɔkuale.

Daniel 8:26

Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Yesaya 30:8

Jehanɛ Mawu de mi ke ma ya ngma nɔ́ nɛ ɔ ngɛ tɛ tɛtlɛɛ nɔ ngɛ ma a hɛ mi. Ee, ma ngma kɛ wo womi mi, konɛ e pee odase nɛ maa hi si daa kɛ maa ya neneene.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Yoshua 18:9

Ni ɔmɛ ho nɛ a ya kpa zugba a nɔ tsuo, nɛ a pee zugba a he womi, nɛ a tsɔɔ bɔ nɛ a gba mi kpaago ha, kɛ mahi nɛ ngɛ zugba a nɔ. Enɛ ɔ se ɔ, a kpale kɛ ba Yoshua ngɔ ngɛ ma sito he ɔ ngɛ Shilo.

Mateo 27:66

Lɔ ɔ he ɔ, a pue nɔ kɛ ho nɛ a ya sɔu yɔkɔ ɔ nya. Nɛ a ha ta buli ɔmɛ bu he.

Mose I, 23:16

Abraham kplɛɛ nɔ, nɛ e ngmɛ sika hiɔ ɔ kaa bɔ nɛ Efron de nɛ Hit bi ɔmɛ nu ɔ: sika hiɔ yi lafa eywiɛ, kaa bɔ nɛ jua yeli ɔmɛ po ngɔ fɔ si ɔ.

Mose I, 23:20

Hit bi ɔmɛ ngɔ zugba a kɛ e mi tɛ puɔ ɔ kɛ ha Abraham kaa e weto ní, nɛ e kɛ pee gɔ.

Rut Womi 4:1

Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.