Yeremia 31:9 - BAIBLO ALOO NGMAMI KLƆUKLƆU Ɔ

⁹ Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Yeremia 31:9 ပူးပေါင်းရင်းမြစ်များ

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Yeremia 3:4

“O deɔ mi ke, ‘Tsaatsɛ, kɛ je ye jokuɛyo be mi tɔɔ lɛ o suɔ ye sane.

Mose II, 4:22

Bɔ nɛ o ma de Farao ɔ ji, Yawɛ ke, ‘Israel ɔ, ye binyumu ji lɛ; ee ye bitɛte ji lɛ!

Yeremia 50:4

Yawɛ ke, “Jamɛ a be ɔ, Israel bi ɔmɛ, kɛ Yuda bi ɔmɛ tsuo maa wo yana kɛ ba, nɛ a ma ba hla imi, a Mawu ɔ, ye se blɔ.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

La 23:2

E haa nɛ i jɔɔ ye he ngɛ nga mumu nɔ, nɛ e ngɔɔ mi kɛ yaa takuhi kɛ a mi nyu jɔjɔɛ he.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Yesaya 57:14

Yawɛ ke, “Nyɛ ha ye ma a nɛ kpale kɛ ba ye ngɔ. Nyɛ je blɔ tsimi nɔ́ tsuaa nɔ́ kɛ je a blɔ mi! Nyɛɛ je gbɛjegbɛ saminyayoo ha mɛ!

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Mateo 3:3

Yohane ji nɔ nɛ gbalɔ Yesaya de ngɛ e he ke, “Nɔ ko ngɛ ngmlaa kpae ngɛ nga a nɔ ke, ‘Nyɛɛ je blɔ kɛ ha Nyɔmtsɛ ɔ; nyɛ ha e blɔ ɔ nɛ da tlɔmɔɔ.’ ”

Hosea 12:4

Niinɛ, e kɛ Mawu bɔfo nɔ kunɔ, nɛ e ye e nɔ. E fo ya ngɔ pue bɔfo ɔ nɔ, nɛ e de lɛ ke e gbaa lɛ. E kɛ Mawu kpe ngɛ Betel, nɛ Mawu kɛ lɛ tu munyu ngɛ lejɛ ɔ.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Mose IV, 2:18

“Efraim wɛtso ɔ ma pue si kɛ yaa bonyoku je, tabo nya tabo nya. A nyatsɛ ji Amihud bi Elishama, nɛ a hiɛmi ji nimli akpe nyingmi eywiɛ kɛ e nya lafa enuɔ.

La 89:27

Imi hu ma ngɔ lɛ kɛ pee ye bitɛte; ma pee lɛ matsɛ nɛ kle pe je nɛ ɔ mi matsɛmɛ ɔmɛ tsuo.

La 107:7

E ngɔ mɛ kɛ gu blɔ tlɔmɔɔ nɔ hluu kɛ ya su ma ko mi he nɛ a maa hi.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Mose V, 14:1

“Yawɛ, nyɛ Mawu ɔ ma ji nyɛ. Lɔ ɔ he ɔ, ke nɔ ko gbo nɛ nyɛ ngɛ ya nyɛe ɔ, nyɛ ko poo nyɛ he ha, nɛ nyɛ ko je nyɛ hɛ nya kaa bɔ nɛ je ma kpa amɛ peeɔ ɔ.