Yeremia 31:7 - BAIBLO ALOO NGMAMI KLƆUKLƆU Ɔ

⁷ Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Yeremia 31:7 ပူးပေါင်းရင်းမြစ်များ

Yesaya 37:31

Yuda we ɔ mi ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

La 14:7

Mɛnɔ maa je Zion ba he Israel yi wami? Yawɛ ma a nɛ a nuu kɛ ho ɔ, ke lɛ, Yawɛ ɔ kpale mɛ kɛ ba ekohu ɔ, Israel ma na bua jɔmi, nɛ Yakob ma nya.

Yeremia 23:3

Ye ma nɛ piɛ ɔ, ma bua a nya kɛ maa je zugbahi a nɔ hehi nɛ i fie mɛ kɛ ho ɔ, nɛ i kɛ mɛ maa ba mɛ nitsɛmɛ a zugba a nɔ ekohu. A ma fɔ, nɛ a he maa hiɛ babauu.

Romabi 11:5

Ja nɔuu, amlɔ nɛ ɔ, nihi bɔɔ piɛ nɛ Mawu hla mɛ ngɛ dloomi nya.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Zefania 2:9

Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Ezekiel 6:8

“Se kɛ̃ ɔ, ma ha ni komɛ maa piɛ. Nihi nɛ maa tu fo kɛ je gbenɔ nya a,

Yesaya 61:9

A nina ma na biɛ saminya ngɛ je ma amɛ a kpɛti. Nihi tsuo nɛ maa na mɛ ɔ ma de ke ma nɛ imi Yawɛ nitsɛ i gbaa ji mɛ.”

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

La 69:35

Ejakaa Mawu ma he Yerusalem yi wami, e maa pee Yuda ma amɛ ehe ekohu. E tsɔli ɔmɛ maa hi lejɛ ɔ, nɛ zugba a maa pee a nɔ́.

La 67:1

Mawu, naa wɔ mɔbɔ, nɛ o gbaa wɔ, nɛ o na wa he bua jɔmi,

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Mose V, 28:13

Yawɛ maa pee nyɛ je ma amɛ tsuo a hɛ mi nyɛɛlɔ; ma amɛ maa nyɛɛ nyɛ se; pi nyɛ nɛ nyɛ maa hi se. Ke nyɛ maa bu Mawu mlaa amɛ tue, nɛ nyɛ maa ye a nɔ pɛpɛɛpɛ, nɛ nyɛ maa pee bɔ nɛ i ngɛ nyɛ fae mwɔnɛ ɔ, Mawu ma ha nyɛ maa ya nɔ ngɛ nɔ́ tsuaa nɔ́ mi, nɛ nyɛ be se yae kɔkɔɔkɔ.

Yeremia 3:23

Niinɛ, wɔhi nɛ wa ngɛ jae ngɛ yoku ɔmɛ a nɔ kɛ huhui bami nɛ ɔ, wa na we a he se ko. Yawɛ, wa Mawu ɔ pɛ ji Israel he piɛlɔ, kɛ yi wami helɔ.

Yeremia 20:13

Nyɛ la ha Yawɛ! Nyɛ je Yawɛ yi! Ejakaa e jeɔ nihi nɛ a ngɛ mɛ yi mi wae ɔ kɛ jeɔ yayami peeli a dɛ mi.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

La 126:2

Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

Yesaya 52:8

Ma a he buli ɔmɛ a nya nɛ a ngɛ nue boboobo ɔ nɛ; mɛ tsuo a kɛ bua jɔmi ngɛ lae kɛ ngmlaa! Ejakaa mɛ nitsɛmɛ a kɛ a hɛngmɛ na bɔ nɛ Yawɛ kpale e ma, Zion kɛ ma ekohu!