Yeremia 31:6 - BAIBLO ALOO NGMAMI KLƆUKLƆU Ɔ

⁶ Niinɛ, be ma nɛ buli ma kpa ngmlaa ngɛ Efraim yo ɔmɛ a nɔ ma de ke, ‘Nyɛ ha nɛ waa ya Zion, ngɛ Yawɛ, wa Mawu ɔ ngɔ.’ ”

Yeremia 31:6 ပူးပေါင်းရင်းမြစ်များ

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Hosea 9:8

Mawu tsɔ imi, e gbalɔ ɔ, kaa ma ba tu munyu kɛ tsɔɔ e ma Israel ɔ. Se he tsuaa he nɛ ma ya a, nyɛ tsɔ̃ mi klama kaa a tsɔ̃ɔ̃ lohwe pɛlitsɛ klama. Mawu we ɔ nitsɛ po, ninyɛ sɔuu lɛ ngɛ lejɛ ɔ.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Ezekiel 33:2

E ke, “Nɔmlɔ adesa, tu munyu kɛ tsɔɔ o ma a mi bi ɔmɛ, nɛ o de mɛ nɔ́ nɛ maa ba ke i ha ta ba zugba ko nɔ ɔ. Ma a mi bi ɔmɛ maa hla a kpɛti nɔ kake kaa a ma a he bulɔ.

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Kronika II, 13:4

Tabo ɔmɛ ya bua ngɛ Efraim yo ɔmɛ a nɔ. Matsɛ Abiya ya kuɔ Zemaraim yo ɔ, nɛ e kpa ngmlaa de ke, “Yeroboam kɛ Israel ma a tsuo, nyɛɛ bu mi tue!

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

La 84:5

Nihi nɛ naa a he wami kɛ jeɔ o mi, nɛ a hlaa kaa a maa hia blɔ kɛ ya Zion yo ɔ nɔ ɔ, a gbaa mɛ.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.