Yeremia 31:5 - BAIBLO ALOO NGMAMI KLƆUKLƆU Ɔ

⁵ Nyɛ maa pee wai ngmɔhi ngɛ Samaria yo ɔmɛ a nɔ ekohu; ni nɛmɛ nɛ ma du ní ɔ, mɛ lɛ a maa ye niba ní ɔ.

Yeremia 31:5 ပူးပေါင်းရင်းမြစ်များ

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.

Mose V, 28:30

“Nyɛ ma bi yo si, se nyumu kpa maa ngɔ lɛ; nyɛ maa ma tsu, se nyɛ be mi hie; nyɛ ma hu wai ngmɔ, se nyɛ be e mi wai yiblii ɔ eko yee.

Mika 4:4

Nɔ tsuaa nɔ maa hi si ngɛ he jɔmi mi ngɛ e wai tso, loo e ngmɔkɔ tso sisi, nɛ nɔ ko be nɔ ko he gbeye woe. Yawɛ, Tabohiatsɛ ɔ lɛ de.

Zakaria 3:10

Jamɛ a be ɔ, nyɛ maa kpee nyɛ sibi kɛ ba nyɛ wai ngmɔ ɔmɛ a mi, kɛ nyɛ ngmɔkɔ tso ɔmɛ a sisi. Yawɛ lɛ de.”

Obadia 1:19

“Nihi nɛ je Yuda leneyi je ɔ maa ngɔ Edom; ni nɛmɛ nɛ je bonyoku je yoku ɔmɛ a nɔ ɔ maa ngɔ Filisti bi ɔmɛ a zugba a. A maa ngɔ Efraim kɛ Samaria zugba amɛ; nɛ Benyamin wɛtso ɔ maa ngɔ Gilead.” Mawu lɛ de.

Ezekiel 36:8

Se Israel yo ɔmɛ a nɔ lɛɛ tso ɔmɛ ma gba kɔnihi, nɛ a maa wo yiblii ha nyɛ ekohu. Be nɛ nyɛ maa kpale kɛ ba we ekohu ɔ su ta.

Samuel I, 21:5

David de osɔfo ɔ ke, “Niinɛ, be nɛ wa ngɛ ní tsumi ko nɔ ɔ, wa tɛ yihi a he. Nihewi ɔmɛ hyɛɛ a he nɔ saminya ke wa nyɛɛ nyɛɛmi gu po. Anɛ mwɔnɛ ɔ nɛ wa ngɛ ní tsumi pɔtɛɛ ko nɔ ɔ, a be a he pee klɔuklɔu lo?”

Mose V, 20:6

Anɛ nɔ ko ngɛ hiɛmɛ nɛ ɔ nɛ pee wai ngmɔ he, se e na we nɛ e kpa wai yiblii ɔ lolo lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba ye ngmɔ ɔ mi wai yiblii ɔ.

La 107:37

A hu zugba a, nɛ a du wai yiblii ngɛ nɔ; nɛ a kpa ní babauu.

Yeremia 32:15

Yawɛ Tabohiatsɛ, Israel Mawu ɔ de ke nihi ma ba he wehi, zugbahi, kɛ wai ngmɔhi ngɛ zugba nɛ ɔ nɔ ekohu.”

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

Mika 1:6

Lɔ ɔ he ɔ Yawɛ ke, “Ma ha nɛ Samaria maa pee kaa kuku ngɛ nga nɔ, he nɛ a ma du wai tsohi ngɛ. Ma kpɛne tɛhi ngɛ ma a mi kɛ wo kɔ̃ ɔ mi, nɛ ma a sisi tomi ɔ maa je kpo.