Yeremia 31:34 - BAIBLO ALOO NGMAMI KLƆUKLƆU Ɔ

³⁴ Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Yeremia 31:34 ပူးပေါင်းရင်းမြစ်များ

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Hebribi 8:12

Ma na mɛ mɔbɔ ngɛ a tɔmi ɔmɛ a he; nɛ i be a he yayami ɔmɛ kaie hu gblegbleegble. Nyɔmtsɛ ɔ lɛ de.”

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yeremia 33:8

Ma tsu a he kɛ je yayamihi tsuo nɛ a pee kɛ si mi ɔ a he; ma ngɔ a he yayami ɔmɛ, kɛ ye hɛ mi atuã nɛ a tsɔ ɔ kɛ pa mɛ.

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Hebribi 5:12

Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

2 Korintobi 2:10

Ke nyɛɛ kɛ nɔ ko he yayami pa lɛ ɔ, kɛkɛ imi hu i kɛ pa lɛ. Ke e hia kaa ma ngɔ nɔ ko he yayami kɛ pa lɛ ɔ, nyɛ he ɔ, i ngɔɔ kɛ paa lɛ; ejakaa i le kaa nɔ́ nɛ i ngɛ pee ɔ, Kristo ngɛ hyɛe.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Yesaya 33:24

Nihi nɛ ngɛ zugba a nɔ ɔ, a ti nɔ ko nɔ ko be dee hu ke, “I be he wami.” A maa ngɔ ma a tsuo a he yayami kɛ pa mɛ.

Yesaya 30:26

Nyɔhiɔ ma kpɛ kaa pu, nɛ pu la a nya maa wa wawɛɛ kaa bɔ nɛ e nya waa daa a totoe si kpaago; e maa pee kaa ligbi kpaago pu tsotsoe tsuo nɛ a bua nya ngɔ ha ligbi kake. Plaami nɛ Yawɛ plaa e ma a, e maa fi pa amɛ a nɔ ha mɛ, nɛ pa amɛ ma gbo. Ní nɛ ɔmɛ tsuo maa ba mi jamɛ a be ɔ mi.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Luka 1:77

O ma de e ma a ke Mawu maa ngɔ a he yayami kɛ pa mɛ, nɛ e ma he a yi wami.

Hebribi 8:11

Nɔ ko be e huɛ, loo e nyɛmi dee ke, ‘Moo le Nyɔmtsɛ ɔ.’ Ejakaa nɔ tsuaa nɔ maa le mi kɛ maa je nɔ nyafii pe kulaa nɔ kɛ yaa si nɔ nguaa pe kulaa nɔ.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Hosea 2:20

Ma ye ye siwo ɔ nɔ, nɛ ma ngɔ mo kɛ pee ye nɔ́, nɛ mo hu o ma tsɛ mi ke Yawɛ.

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

Yesaya 29:24

Kuasiahi maa le ní, nɛ ni nɛmɛ nɛ tuɔ munyu huitihuiti ɔ maa kase ní.”

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

Yesaya 52:6

Be ma nɛ nyɛ maa le kaa imi ji Mawu; nyɛ maa le kaa imi lɛ i kɛ nyɛ tu munyu ɔ nɛ.”

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!