Yeremia 31:12 - BAIBLO ALOO NGMAMI KLƆUKLƆU Ɔ

¹² A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yeremia 31:12 ပူးပေါင်းရင်းမြစ်များ

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yohane 16:22

Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ.

Ezekiel 17:23

Israel yo gagaa pe kulaa a nɔ ma ma ngɛ. E ma gba kɔnihi, nɛ e maa wo yiblii; e maa pee seda tso agbo kɛ e he fɛu. Lohwe pɛlitsɛmɛ slɔɔtoslɔɔto tsuo ma ba hi e hɔ̃ ɔ mi.

Yesaya 65:19

Imi nitsɛ ye bua maa jɔ Yerusalem, kɛ ma mi bi ɔmɛ tsuo a he. A be ya fomi, loo kɔmɔ yemi he nue ngɛ ma a mi hu.

Yesaya 60:20

O kɔmɔ yemi ligbi ɔmɛ a se maa po. Imi Yawɛ nitsɛ ma pee la ha mo kɛ maa ya neneene; pu kɛ nyɔhiɔ lɛɛ a se maa po.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

La 130:4

Se o ngɔɔ yayami kɛ paa, konɛ a ye mo gbeye.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 1:30

Nyɛ ma gbo kaa tso nɛ e nɔ ba amɛ ylɔ, nɛ miɔ nɛ e gbo, loo kaa abɔɔ ko nɛ a pue we e mi ní ɔmɛ a nɔ nyu.

Yeremia 31:4

Ma to nyɛ si ekohu. Nyɛ maa ngɔ nyɛ fao ɔmɛ, nɛ nyɛ maa do kɛ bua jɔmi ekohu.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

Yeremia 31:6

Niinɛ, be ma nɛ buli ma kpa ngmlaa ngɛ Efraim yo ɔmɛ a nɔ ma de ke, ‘Nyɛ ha nɛ waa ya Zion, ngɛ Yawɛ, wa Mawu ɔ ngɔ.’ ”

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Yeremia 31:24

Nihi maa pee kake kɛ hi si ngɛ Yuda zugba a nɔ, kɛ ma amɛ a mi: ngmɔ huli, kɛ to hyɛli kɛ a tohi.

Yeremia 31:25

Nihi nɛ pɔ tɔ mɛ ɔ, ma ha mɛ he wami he, nɛ ni nɛmɛ nɛ hwɔ gbe mɛ ɔ, ma ha mɛ ní nɛ a maa ye nɛ a maa tɔ.”

Yeremia 32:15

Yawɛ Tabohiatsɛ, Israel Mawu ɔ de ke nihi ma ba he wehi, zugbahi, kɛ wai ngmɔhi ngɛ zugba nɛ ɔ nɔ ekohu.”

Yeremia 33:12

Yawɛ Tabohiatsɛ ɔ ke, “Zugba nɛ ɔ nɛ ngɛ kaa nga kplanaa nɔ, kɛ ma amɛ nɛ plɛ pee ma dokuhi nɛ nɔmlɔ adesa, loo lohwe be a mi ɔ, be ma nɛ hiɛmɛ nɛ ɔ ma ba pee lohwehi a lɛmi he, nɛ to hyɛli kɛ a lohwehi ma ba hi hiɛ ɔ ekohu.

Yeremia 33:13

Ngɛ yo nɔ ma amɛ, kɛ nga nɔ ma amɛ a mi, kɛ Yuda leneyi je, Benyamin zugba a nɔ, Yerusalem kɔpe ɔmɛ, kɛ Yuda ma amɛ a mi ɔ, to hyɛli maa kane a tohi ekohu. Imi, Yawɛ lɛ i de.”

Ezekiel 34:14

Ma ha nɛ a maa ye ní ngɛ tue mi jɔmi mi ngɛ yo ɔmɛ a nɔ, kɔ̃ ɔmɛ a mi, kɛ hehi tsuo nɛ nga mumu ngɛ ngɛ Israel zugba a nɔ.

Hagai 2:19

E ngɛ mi kaa blɛfo be gba mi, nɛ wai tso ɔmɛ, ngmɔkɔ tso ɔmɛ, tsohi nɛ a yiblii ngɔɔ, kɛ oliv tso ɔmɛ wui yiblii lolo lɛɛ, se kɛ je mwɔnɛ ɔ ligbi nɛ ɔ kɛ yaa a, ma gbaa nyɛ.”

Yesaya 52:8

Ma a he buli ɔmɛ a nya nɛ a ngɛ nue boboobo ɔ nɛ; mɛ tsuo a kɛ bua jɔmi ngɛ lae kɛ ngmlaa! Ejakaa mɛ nitsɛmɛ a kɛ a hɛngmɛ na bɔ nɛ Yawɛ kpale e ma, Zion kɛ ma ekohu!

Ezekiel 36:30

Ma ha tso yiblii, kɛ ngmɔ niba ní maa hiɛ babauu, konɛ hwɔ ko ye nyɛ nɛ nyɛ pue nyɛ hɛ mi si ngɛ je ma amɛ a kpɛti hu.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.