Yeremia 31:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Yeremia 31:1 ပူးပေါင်းရင်းမြစ်များ

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Yeremia 3:18

Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Ezekiel 39:22

Nɛ kɛ je jamɛ a ligbi ɔ kɛ yaa a, Israel bi ɔmɛ maa le kaa imi ji Yawɛ, a Mawu ɔ nɛ.

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Yeremia 50:4

Yawɛ ke, “Jamɛ a be ɔ, Israel bi ɔmɛ, kɛ Yuda bi ɔmɛ tsuo maa wo yana kɛ ba, nɛ a ma ba hla imi, a Mawu ɔ, ye se blɔ.

Yeremia 33:14

Yawɛ ke, “Be ma nɛ si nɛ i wo Israel bi, kɛ Yuda bi ɔ, ma ye nɔ.

Yeremia 33:7

Ma ha nɛ Yuda kɛ Yerusalem ma na a he ekohu, nɛ ma to mɛ si kaa kekle ko ɔ.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 30:3

ejakaa be ma nɛ ma pee ye ma Israel, kɛ Yuda saminya ekohu. Zugba a nɛ i ngɔ kɛ ha a nɛmɛ ɔmɛ ɔ, ma kpale mɛ kɛ ba jamɛ a zugba a nɔ ekohu, nɛ e ma ba pee a weto ní. Imi, Yawɛ lɛ i de.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

La 144:15

Nihi nɛ a gbaa kikɛ nɛ ɔ, a bua maa jɔ. Nihi nɛ Yawɛ ji a Mawu ɔ, a bua maa jɔ.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Yesaya 20:6

Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Ezekiel 34:24

Imi Yawɛ, ma pee a Mawu, nɛ ye tsɔlɔ David maa ye ganɔ ha mɛ. Imi Yawɛ lɛ i de.