Yeremia 30:6 - BAIBLO ALOO NGMAMI KLƆUKLƆU Ɔ

⁶ Nyɛ bi nɛ nyɛɛ hyɛ! Anɛ nyumu ko nu kɔɔmi nɛ e fɔ hyɛ lo? Mɛni he je mɔ lɛ i na nɛ nyumuhi tsuo nu a mlɛ mi kaa yo nɛ nu kɔɔmi ɔ? Mɛni he je nyɛ tsuo nyɛ hɛ mi pee kaa la zu la zu kikɛ nɛ ɔ?

Yeremia 30:6 ပူးပေါင်းရင်းမြစ်များ

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

Yoel 2:6

Ke a ma kikɛ nɛ ɔ, sawale maa nu nɔ tsuaa nɔ, nɛ nɔ tsuaa nɔ hɛ mi ma tsake maa pee mɔbɔmɔbɔ.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yesaya 21:3

Nɔ́ nɛ i na, kɛ nɔ́ nɛ i nu nɛ ɔ wo ye he gbeye wawɛɛ nitsɛ, nɛ ye he mi hia mi kaa yo nɛ nu kɔɔmi.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Hosea 13:13

Israel ma a li nɔ́; a tue wa; lɔ ɔ he ɔ, a maa na nɔ́. A ngɛ kaa bi nɛ kua kpo jemi ngɛ e nyɛ mi mi benɛ e nyɛ nu kɔɔmi.

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

La 48:6

A he do blibliibli, nɛ a he hia mɛ ngɛ lejɛ ɔ kaa yo nɛ nu kɔɔmi.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Yeremia 50:43

Benɛ Babilonia matsɛ ɔ nu sane nɛ ba a, e nine mi je wu. E tsui po wawɛɛ nitsɛ, nɛ e kpatu pee kaa yo nɛ nu kɔɔmi.

Yeremia 49:24

Damasko ma mi bi ɔmɛ a he wami ta, nɛ a kɛ sawale tu fo kɛ je. A ngɛ haomi, kɛ he hiami mi kaa yo nɛ nu kɔɔmi.

Yesaya 29:22

Lɔ ɔ he ɔ, jehanɛ, bɔ nɛ Yawɛ, Israel Mawu ɔ nɛ he Abraham yi wami kɛ je amanehlu mi ɔ ngɛ dee ji nɛ ɔ nɛ: “Ye ma, zo be nyɛ gbee hu; a be nyɛ hɛ mi si puee hu.

Yeremia 13:21

Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Yeremia 49:22

He nyɛlɔ ɔ ma ba tua Bozra tlukaa kaa kɔle nɛ gbɛ e pɛlihi a mi kɛ ma. Jamɛ a ligbi ɔ, Edom ta buli ɔmɛ maa nu sawale kaa yo nɛ nu kɔɔmi.”