Yeremia 30:5 - BAIBLO ALOO NGMAMI KLƆUKLƆU Ɔ

⁵ “Wa nu gbi ko nɛ ngɛ pɛe, sawale kɛ gbeye, se pi tue mi jɔmi.

Yeremia 30:5 ပူးပေါင်းရင်းမြစ်များ

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Yeremia 25:36

Nyɛ wo yana nɛ nyɛ ngɛ bubuubui kpae kɛ hɛdɔ, ejakaa Yawɛ puɛ nyɛ sihi he ɔmɛ. Yawɛ kɛ abofu kpata nyɛ tue mi jɔmi ma a hɛ mi pɛsɛpɛsɛ.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yesaya 59:11

Wɔ tsuo wa yeɔ gbeye, nɛ wa ní peeɔ mɔbɔ. Wa hyɛɛ Mawu blɔ kaa e ma ba he wa yi wami kɛ je pimi kɛ amimi mi, se lɛ tsuo peeɔ yaka.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yeremia 30:4

Yawɛ ngɛ Israel kɛ Yuda dee ke,

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.

Habakuk 1:10

A yeɔ matsɛmɛ ɔmɛ a he fɛu, nɛ asafoatsɛmɛ ɔmɛ a he peeɔ mɛ muɔ. Mɔ nɛ he wa pi nɔ́ ko kulaa ngɛ a hɛ mi. A buaa zu nya glekugleku kɛ woɔ mɔ ɔ he, nɛ a ngɔɔ lɛ.