Yeremia 30:21 - BAIBLO ALOO NGMAMI KLƆUKLƆU Ɔ

^21-22 A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Yeremia 30:21 ပူးပေါင်းရင်းမြစ်များ

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Ezekiel 37:24

Ye tsɔlɔ David ma ba ye matsɛ ngɛ a nɔ. Mɛ tsuo a maa hi tsɛ kake sisi, nɛ a maa ye ye mlaa amɛ a nɔ pɛpɛɛpɛ.

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Mose V, 33:5

Benɛ Israel wɛtso ɔmɛ, kɛ nikɔtɔma amɛ tsuo ba bua a he nya a, Yawɛ ba pee a matsɛ.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Mateo 27:37

A ngma sane nɛ tsɔɔ nɔ́ he je nɛ a ngɛ lɛ sɛue ɔ kɛ mɛtɛ e yi je ke, “Yesu, Yuda bi ɔmɛ a matsɛ ɔ ji nɛ ɔ nɛ.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Luka 24:26

E hia kaa Kristo ɔ nɛ na amanehlu nɛ ɔmɛ, konɛ e sɛ e nyami ɔ mi.”

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yesaya 63:1

“Mɛnɔ lɛ je Bozra ngɛ Edom zugba a nɔ kɛ ma nɛ ɔ? Mɛnɔ lɛ dla e he saminyayoo kɛ tade tsu, nɛ e ngɛ kɔsɔe wawɛɛ kɛ he wami kɛ ma nɛ ɔ?” “Imi Yawɛ, kpɔlɔ nɛ nine si wa a, i ngɛ dee kɛ ngmlaa ke i ye kunimi oo, i ye kunimi.”

La 89:29

E weku kpa se be poe gblegbleegble; e maa hi kaa bɔ nɛ hiɔwe ngɛ ɔ pɛpɛɛpɛ. Daa nɛ ɔ, e nina ko maa hi sɛ ɔ nɔ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Mose I, 18:32

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma tu munyu si kake nɛ ɔ pɛ. Alini, ke dali nyɔngma pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyɔngma ngɛ lejɛ ɔ, i be ma a hɛ mi kpatae.”

Mose I, 18:30

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma de ekohu. Ke alini, dali nyingmi etɛ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi etɛ ngɛ lejɛ ɔ, i be ma a hɛ mi kpatae.”

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Mose V, 17:15

Nyɛɛ hyɛ saminya, konɛ nɔ nɛ nyɛ ngɛ hlae kaa e ye matsɛ ɔ, e pee nɔ nɛ Yawɛ hla. E pee nyɛ ma mi no; nyɛ ko ngɔ nubwɔ kɛ to matsɛ nɛ e ye nyɛ nɔ.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.