Yeremia 30:14 - BAIBLO ALOO NGMAMI KLƆUKLƆU Ɔ

¹⁴ Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Yeremia 30:14 ပူးပေါင်းရင်းမြစ်များ

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Hiob 30:21

O ngɛ mi yi mi wae; o kɛ nine si wami ngɛ mi yi mi wae wawɛɛ nitsɛ.

Yeremia 22:20

Yerusalem ma, nyɛɛ ya nɛ nyɛ ya kpa bubuubui ngɛ Lebanon. Nyɛɛ ya Bashan nɛ nyɛ ya kpa bubuubui ngɛ lejɛ ɔ. Nyɛ ya kpa kuu ngɛ Moab yo ɔmɛ a nɔ, ejakaa a kpata nyɛ huɛmɛ ɔmɛ tsuo a hɛ mi.

Yeremia 30:15

Nyɛ ko tu nyɛ plaami ɔmɛ a he munyu hu; tsa ba ko be ha nyɛ. I gbla nyɛ tue kikɛ nɛ ɔ, ejakaa nyɛ pee yayami nguanguahi babauu.

Yeremia 22:22

Kɔɔhiɔ maa muɔɔ nyɛ hɛ mi nyɛɛli ɔmɛ tsuo kɛ ho; a maa nuu nyɛ huɛmɛ ɔmɛ nyɔguɛ; a maa bɔ nyɛ ma amɛ ahlua ngɛ ní yayamihi tsuo nɛ nyɛ pee ɔ a he.

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Hiob 19:11

Mawu mi mi fu mi wawɛɛ nitsɛ, nɛ e buɔ mi e he nyɛlɔ.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

Ezekiel 23:22

“Lɔ ɔ he ɔ, Oholiba, bɔ nɛ imi Nyɔmtsɛ Yawɛ, i ngɛ mo dee ji nɛ ɔ nɛ: O suɔli ɔmɛ a sane ba gbe o nya nɛ o sume mɛ hu; se ma ha a maa te si kɛ wo mo; a ma ba sa o yi.

Ezekiel 23:9

Lɔ ɔ he ɔ, imi hu i ngɔ lɛ ngɔ wo Asiria bi ɔmɛ nɛ mɛ e suɔ wawɛɛ ɔ a dɛ mi.

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Yeremia 38:22

I na nɛ a ngɔ yi ɔmɛ tsuo nɛ piɛ ngɛ Yuda matsɛ we ɔ mi ɔ kɛ yaa Babilonia matsɛ ɔ ma nimeli ɔmɛ a ngɔ. Benɛ a yaa a, nɔ́ nɛ a ngɛ dee ji nɛ ɔ nɛ: ‘Matsɛ ɔ huɛmɛ kpakpa amɛ sisi lɛ nɛ a ye e nɔ. Se amlɔ nɛ ɔ nɛ e nane pu mɔsɔ lɛɛ e huɛmɛ ɔmɛ je e he?’ ”

Yeremia 6:23

Nimli nɛ ɔmɛ ɔ, yiwutsotsɛmɛ ji mɛ; mɔbɔ nami kake too be a mi. A mia kɛ kɛ̃ɛ̃ kɛ akplɔ, nɛ a hi okpɔngɔhi a nɔ kɛ ma. Okpɔngɔ ɔmɛ a nane si ngɛ pɛe glɛi glɛi glɛi kaa wo nɛ gli. A ma nɛ a ba tua Yerusalem.”

Hiob 16:9

Mawu mi mi fu mi, nɛ e tsɔtslɔɔ ye mi. E kpɔ lungu ngɔ wo mi, nɛ e muɔ e hɛngmɛ ngɔ pue ye nɔ kaa a peeɔ nɔ he nyɛlɔ.

La 107:17

Ni komɛ ya je kuasia, nɛ a blɔ yayami ɔmɛ, kɛ yayamihi nɛ a pee ɔ ha nɛ a na nɔ́.

Yesaya 57:13

Benɛ nyɛ ngɛ ngmlaa kpae kɛ ngɛ balɔ tsɛe ɔ, nyɛ ha nɛ nyɛ amaga babauu ɔmɛ nɛ a je ngmlaa ha nyɛ koo! Kɔɔhiɔ kɛkɛ po maa bɛɛ mɛ tsuo kɛ ho; mumi nɛ a woɔ si kake pɛ ma fli mɛ kɛ ho. Se ni nɛmɛ nɛ ngɔɔ a hɛ ngɔ fɔɔ ye nɔ ɔ, a maa hi zugba a nɔ, nɛ a ma ja mi ngɛ ye yo klɔuklɔu ɔ nɔ.”

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 32:30

Kɛ je blema teteete ɔ, yayami sɔuu lɛ Israel bi, kɛ Yuda bi ngɛ pee, nɛ a kɛ ngɛ ye mi mi la woe.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Obadia 1:7

Ni nɛmɛ nɛ o kɛ mɛ peeɔ kake kɛ hwuɔ ta a, a mlɔɔ mo nɛ a fie mo kɛ je o ma a mi. Ni nɛmɛ nɛ kɛ mo ngɛ saminya a, a mlɔɔ mo nɛ a ye o nɔ. Huɛmɛ nɛ kɛ mo yeɔ ní ɔ hu tsɔ mo klama, nɛ a deɔ ke? ‘Jije a hɛ mi tɛ̃mi ɔ ngɛ?’

Yeremia 5:5

Ma ya nimli ngua amɛ a ngɔ, nɛ i kɛ mɛ ma ya tu munyu. Niinɛ, mɛɛ lɛɛ a le nɔ́ nɛ Yawɛ, a Mawu ɔ ngɛ hlae nɛ a pee.” Se ni nɛ ɔmɛ hu ngɛ kaa nimli gu ɔmɛ kɛ̃; mɛ hu a tsɔ Yawɛ hɛ mi atuã, nɛ a bui lɛ fɛɛ.

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 32:34

We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Daniel 9:5

“Wa pee yayami; wa tɔ nɛ wa pee yi wu tso níhi. Wa tsɔ o hɛ mi atuã, nɛ wa yi o mlaa amɛ a nɔ.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Daniel 9:13

Tue gblami ɔmɛ nɛ a wo a nɔ ta ngɛ Mose mlaa womi ɔ mi ɔ, lɛ tsuo ba wa nɔ. Se Yawɛ, wa Mawu, wa bɔɛ mɔde kaa wa maa pee o suɔmi nya ní; wa ngmɛɛ we wa yayami ɔmɛ a he, nɛ o we anɔkuale ɔ hu wa nyɛɛ we se.