Yeremia 30:12 - BAIBLO ALOO NGMAMI KLƆUKLƆU Ɔ

¹² Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Yeremia 30:12 ပူးပေါင်းရင်းမြစ်များ

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 30:15

Nyɛ ko tu nyɛ plaami ɔmɛ a he munyu hu; tsa ba ko be ha nyɛ. I gbla nyɛ tue kikɛ nɛ ɔ, ejakaa nyɛ pee yayami nguanguahi babauu.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Ezekiel 37:11

Nyɔmtsɛ Yawɛ de mi ke, “Nɔmlɔ adesa, Israel ma a tsuo ngɛ kaa wu nɛ ɔmɛ. A ngɛ dee ke a gbli kadokado, nɛ a be hɛ nɔ kami ko kulaa; a kpata a hɛ mi pɛsɛpɛsɛ.

Yeremia 6:7

Kaa bɔ nɛ vu jeɔ nyu ɔ, ja pɛ lɛ Yerusalem bi ɔmɛ peeɔ yayamihi babauu. I nuɔ haomi kɛ hɛ mi kpatami he hoo ngɛ ma a mi; nihi nɛ a plaa, nɛ a pee hiɔtsɛmɛ ji ni nɛmɛ nɛ i naa.

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Yeremia 8:22

Anɛ tsopa be Gilead lo? Tsopatsɛ ko be lejɛ ɔ lo? Mɛni he je mɔ nɛ a tsa we ye ma mi bi ɔmɛ lolo ɔ?

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.