Yeremia 3:9 - BAIBLO ALOO NGMAMI KLƆUKLƆU Ɔ

⁹ E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 3:9 ပူးပေါင်းရင်းမြစ်များ

Yesaya 57:3

Se, nyɛ yayami peeli nɛ nyɛɛ kɛ ní peeli, kɛ gba puɛli, kɛ yi yaholi tsuo sɔ ɔ, nyɛɛ ba hiɛ ɔ!

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Ezekiel 16:17

Lɔ ɔ se hu, o ngɔ o june kpakpa nɛ ji sika hiɔ, kɛ sika tsu nɛ imi nitsɛ i ha mo ɔ, nɛ o kɛ pee nyumu amagahi, nɛ o kɛ mɛ bɔ ajuama.

Ezekiel 23:10

Ni nɛ ɔmɛ kpa e he bo, nɛ a ngɔ e bimɛ nyumu ɔmɛ kɛ yi ɔmɛ tsuo kɛ ho, nɛ lɛ nitsɛ lɛɛ, a kɛ klaate gbe lɛ. E tue gblami nɛ ɔ ba pee fɛu yemi nɔ́ ha yihi tsuo.

Ezekiel 23:21

(Oholiba, o yihe mi zo ní nɛ o tsu benɛ Egipt bi ɔmɛ fiɛ o nyɔ he, nɛ a puɛ mo kɛ pee yaholɔ ɔ, lɔ ɔ o ngɛ hlae nɛ o tsu ekohu nɛ ɔ nɛ.)

Ezekiel 23:3

A puɛ kulaa kɛ ajuama bɔmi kɛ je a yihe mi tɔɔ ngɛ Egipt. Lejɛ ɔ nɛ nyumuhi fiɛ a nyɔhi a he, nɛ a puɛ mɛ ngɛ.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.