Yeremia 3:8 - BAIBLO ALOO NGMAMI KLƆUKLƆU Ɔ

⁸ Yuda na kaa i ha Israel gba mi pomi womi nɛ i fie lɛ, ejakaa e je ye se nɛ e ya bɔ ajuama. Se Yuda nɛ ngɛ kaa e nyɛmiyo Israel ɔ yi gbeye.

Yeremia 3:8 ပူးပေါင်းရင်းမြစ်များ

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Yeremia 33:24

“Tse o nu kaa nihi ngɛ dee ke weku enyɔ, Israel kɛ Yuda nɛ i hla a, imi Yawɛ, i kua mɛ! Enɛ ɔ he je ɔ, a gbeɔ ye ma a he guɛ, nɛ a bui mɛ hu kaa je ma ko ji mɛ.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Ezekiel 16:46

“O nyɛmiyo nɔkɔtɔma Samaria, kɛ e mi bi ɔmɛ ngɛ o kasa nya ngɛ omleyi je, nɛ o nyɛmiyo jokuɛyo Sodom, kɛ lɛ hu e mi bi ɔmɛ ngɛ o leneyi je.

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

Ezekiel 16:51

“Samaria pee we yayamihi nɛ o pee ɔ a mi fa tete po; ní yayamihi nɛ o pee ɔ hiɛ babauu pe e ní ɔmɛ. Ke a ngɔ mo kɛ to o nyɛmiyi ɔmɛ a he ɔ, ní yayamihi tsuo nɛ o pee ɔ ha nɛ e peeɔ kaa nɔ́ nɛ o nyɛmimɛ ɔmɛ yeɔ nguɔ!

Ezekiel 23:44

Nyumuhi ngɛ a ngɔ yae kaa bɔ nɛ a yaa yihi yaholi a ngɔ. Ee, ja pɛpɛɛpɛ a ngɛ Ohola kɛ Oholiba nɔ puee; a pee a he ajamɛatsɛmɛ!

Ezekiel 23:9

Lɔ ɔ he ɔ, imi hu i ngɔ lɛ ngɔ wo Asiria bi ɔmɛ nɛ mɛ e suɔ wawɛɛ ɔ a dɛ mi.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Mose V, 24:1

“Waa ngɔ lɛ kaa nyumu ko ngɔ yo, nɛ pee se ɔ, e sume lɛ hu; ejakaa e na nɔ́ yayami ko ngɛ yo ɔ he. Lɔ ɔ he ɔ, e ngma gba mi pomi womi nɛ e ngɔ wo e dɛ; nɛ e ha e je e we ɔ mi.

Mose V, 24:3

nɛ nyumu nɛ ɔ hu sume lɛ, nɛ e ngma gba mi pomi womi nɛ e ngɔ wo e dɛ, nɛ e ha e je e we ɔ mi. Aloo waa ngɔ lɛ kaa nyumu nɛ e ya gba sekpɛ nɛ ɔ gbo.