Yeremia 3:4 - BAIBLO ALOO NGMAMI KLƆUKLƆU Ɔ

⁴ “O deɔ mi ke, ‘Tsaatsɛ, kɛ je ye jokuɛyo be mi tɔɔ lɛ o suɔ ye sane.

Yeremia 3:4 ပူးပေါင်းရင်းမြစ်များ

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Abɛ Womi 2:17

yo nɛ kua e yihe mi huno, nɛ si nɛ e wo e Mawu ɔ hu e yi nɔ.

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

Malaki 2:14

Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Abɛ Womi 1:4

Nɔ nɛ li nɔ́ ɔ, abɛ ɔmɛ ma ha nɛ e nɔ bɔ ma tsɔ; se niheyo lɛɛ e ma na juɛmi, kɛ hɛ mi si kami.

La 119:9

Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

La 71:5

Nyɔmtsɛ, i ngɔ ye hɛ kɛ fɔ o nɔ. Yawɛ, kɛ je ye nihe mi tɔɔ ɔ, mo, o nɔ i ngɔ ye hɛ kɛ fɔ.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”