Yeremia 3:21 - BAIBLO ALOO NGMAMI KLƆUKLƆU Ɔ

²¹ Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Yeremia 3:21 ပူးပေါင်းရင်းမြစ်များ

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

Abɛ Womi 10:9

Nɔ nɛ yeɔ anɔkuale ɔ, e he mi jɔɔ lɛ. Nɔ nɛ yi anɔkuale lɛɛ nine maa gbe lɛ.

Abɛ Womi 19:3

Ke nɔ ko ya biɛ nɛ haomi ba e nɔ ɔ, kɛkɛ e ngɔ abofu ɔ ya kple Yawɛ mohu nɔ.

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Hosea 8:14

“Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

Mika 3:9

Nyɛ Israel ma nɔ yeli! Nyɛ nihi nɛ nyɛ yi dami sane, nɛ nyɛ plɛɔ dami sane hɛ mi ngɔ buɔ si! Nyɛɛ bu mi tue!

Mose IV, 22:32

Yawɛ bɔfo ɔ bi Balaam ke, “Mɛni he je nɛ o fia o teji yo ɔ nɔ́ si etɛ sɔuu kikɛ nɛ ɔ? O nɛ, pe i ba nɛ ma ba tsi mo blɔ; ejakaa blɔ nɛ o hia nɛ ɔ ngɔɛ ye nya.

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.