Yeremia 3:2 - BAIBLO ALOO NGMAMI KLƆUKLƆU Ɔ

² Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Yeremia 3:2 ပူးပေါင်းရင်းမြစ်များ

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Mose I, 38:14

Lɔ ɔ he ɔ, e je yalɔyo bo ɔ nɛ e bu ɔ ngɔ fɔ si. E tsake e he; e kɛ hɛ mi hami nɔ́ ha e hɛ mi, nɛ e ho ya hi si ngɛ Enaim ma a nya, ngɛ Timna blɔ ɔ nɔ. E pee nɔ́ nɛ ɔ, ejakaa e na kaa Shela wa, se a kɛ lɛ Tamar a ha we lɛ.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Mose V, 12:2

Hehi nɛ je ma amɛ nɛ nyɛ yaa fie ɔ jaa a mawu ɔmɛ ngɛ, ngɛ yo gaga amɛ a nɔ, yoku ɔmɛ a nɔ, kɛ tso kusuu ɔmɛ a sisi ɔ, nyɛ kpata a hɛ mi.

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Ezekiel 16:16

O ngɔ o bo ɔmɛ ekomɛ kɛ ya pee jami hehi nɛ ngɛ fɛu; ajuama nɛ o kɛ mawu kpahi bɔ ngɛ lejɛ ɔmɛ ɔ, e hí sɛɛmi; eko bɛ hyɛ, nɛ eko hu be bae gblegbleegble.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Abɛ Womi 23:28

E woɔ ka kaa ojo fialɔ, nɛ e haa nyumuhi babauu puɛɔ gba.

Abɛ Womi 7:11

Yo nɛ ɔ, jamɛatsɛ ji lɛ; e ngɛ gegeege, zo ko zo ko be e hɛ mi, nɛ e hí we mi hulɔ.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Matsɛmɛ I, 11:3

Salomo ngɔ matsɛmɛ a biyihi lafa kpaago, nɛ e su plãhi hu lafa etɛ. E yi ɔmɛ ha e yi mi plɛ kɛ je Mawu he,

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

La 106:38

A pue nihi nɛ pee we yayami a muɔ si; mɛ nitsɛmɛ a binyumuhi, kɛ a biyihi po a ngɔ mɛ kɛ sã bɔ ha Kanaan wɔhi; nɛ a kɛ muɔ ble zugba a.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.