Yeremia 3:18 - BAIBLO ALOO NGMAMI KLƆUKLƆU Ɔ

¹⁸ Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”

Yeremia 3:18 ပူးပေါင်းရင်းမြစ်များ

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Amos 9:15

Ma to nyɛ si ngɛ zugba a nɛ i ngɔ kɛ ha nyɛ ɔ nɔ. Nɛ i be hae nɛ nɔ ko ba je nyɛ kɛ je lejɛ ɔ hu.” Yawɛ, nyɛ Mawu ɔ lɛ de.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Yeremia 50:4

Yawɛ ke, “Jamɛ a be ɔ, Israel bi ɔmɛ, kɛ Yuda bi ɔmɛ tsuo maa wo yana kɛ ba, nɛ a ma ba hla imi, a Mawu ɔ, ye se blɔ.

Yeremia 23:8

Mohu ɔ, a kɛ ye biɛ ma ka kita kaa Mawu hɛ kalɔ nɛ jé Israel nina a kɛ je ma se zugbahi a nɔ, omleyi je zugba a, kɛ hehi tsuo nɛ i fie mɛ kɛ ho ɔ kɛ ba. Nɛ a ma ba hi mɛ nitsɛmɛ a zugba a nɔ.”

Yeremia 16:15

Mohu ɔ, a kɛ ye biɛ ma ka kita kaa Mawu hɛ kalɔ ɔ nɛ kpale Israel bi ɔmɛ nɛ a gbɛ fĩa a kɛ je omleyi je zugba kpahi a nɔ kɛ ba we ekohu. Lejɛ ɔmɛ ji hehi nɛ i fie mɛ kɛ ho ɔ nɛ. Ma ngɔ mɛ kɛ ba mɛ nitsɛmɛ a zugba a nɛ i ha a nɛmɛ ɔmɛ ɔ nɔ ekohu. Imi, Yawɛ le i de.”

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Hosea 11:12

Yawɛ ke, “Lakpa sɔuu Israel ma a ngɛ yee, nɛ a ngɛ nihi sisie ngɛ ye hɛ mi paa. Se imi Mawu, i le bɔ nɛ Yuda hu ngɛ kɛ ba si amlɔ nɛ ɔ. Yuda ma a ngɛ imi Nɔ Klɔuklɔu ɔ anɔkuale yee kɛ mwɔɔ.

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Yeremia 30:3

ejakaa be ma nɛ ma pee ye ma Israel, kɛ Yuda saminya ekohu. Zugba a nɛ i ngɔ kɛ ha a nɛmɛ ɔmɛ ɔ, ma kpale mɛ kɛ ba jamɛ a zugba a nɔ ekohu, nɛ e ma ba pee a weto ní. Imi, Yawɛ lɛ i de.”

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Ezekiel 11:17

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Ma bua a nya kɛ maa je je ma amɛ a mi hehi nɛ a gbɛ mɛ kɛ fĩa a tsuo kɛ maa ba; nɛ ma ngɔ Israel zugba a ngɔ ha mɛ ekohu.

Zakaria 2:6

Yawɛ de e ma a ke, “I gbɛ nyɛ fĩa je kɔ nya eywiɛ ɔmɛ tsuo. Se jehanɛ lɛɛ nyɛ nihi nɛ a nuu kɛ ho ma se ya, esɔ nɛ nyɛɛ tu fo kɛ je Babilonia kɛ ba Yerusalem.

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Yesaya 43:5

Koo ye gbeye, imi nitsɛ i kɛ mo ngɛ! “Ma bua o nina nya kɛ maa je beleku je, kɛ bonyoku je kɛ maa ba we.

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.