Yeremia 3:17 - BAIBLO ALOO NGMAMI KLƆUKLƆU Ɔ

¹⁷ Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Yeremia 3:17 ပူးပေါင်းရင်းမြစ်များ

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Yeremia 17:12

Wa jami he klɔuklɔu ɔ ngɛ kaa matsɛ sɛ kɛ e hɛ mi nyami saminyayoo nɛ a wo nɔ gojoo kɛ je blema.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Yeremia 11:8

Se a bui mi tue fɛɛ; munyu nɛ i kɛ mɛ tu ɔ po, a nui. A wa tue nɛ a pee yayami kaa kekle ɔ mohu. I wo mɛ mlaa ke a ye somi ɔ nɔ, se a kua nɔ yemi. Enɛ ɔ he je ɔ, i gbla a tue wawɛɛ nitsɛ kaa bɔ nɛ somi tsɔɔ ɔ.”

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Yesaya 56:6

Jehanɛ, nibwɔhi nɛ kɛ a he ba mɛtɛ ma a he, nɛ a suɔ Mawu sane, nɛ a jaa lɛ, nɛ a yeɔ Hejɔɔmi ligbi ɔ kɛ e somi ɔ nɔ pɛpɛɛpɛ ɔ, bɔ nɛ Yawɛ ngɛ mɛ dee ji,

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 14:21

Kai o siwo ɔmɛ, nɛ o ko kua wɔ. Ko ha nɛ Yerusalem hɛ mi nɛ pue si. Lejɛ ɔ o sɛ saminyayoo ɔ ngɛ. Somi nɛ o kɛ wɔ so ɔ, koo po mi.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

La 87:3

Mawu ma, bu tue! Yawɛ ngɛ ní kpakpahi dee ngɛ o he:

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Manyadali 2:19

Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Romabi 6:14

Nyɛ ko ha nɛ yayami nɛ ye nyɛ nɔ hu; ejakaa mlaa nɛ fiɔ nɔ ɔ, be nyɛ nɔ he wami hu; Mawu dloomi ɔ mohu lɛ hɛɛ nyɛ.

Ezekiel 1:26

Ke o hyɛ ɔ, nɔ́ ko kaa matsɛ sɛ nɛ hɛɛ tɛ bluu su ngɛ nɔ́ mluguduu ɔ nɔ́, nɛ nɔ́ ko nɛ ngɛ kaa nɔmlɔ hii si ngɛ matsɛ sɛ ɔ nɔ.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Yeremia 12:15

Se ke i ngɔ mɛ kɛ ho se ɔ, ma na mɛ mɔbɔ ekohu, nɛ ma kpale je ma tsuaa je ma kɛ ba mɛ nitsɛmɛ a zugba nɔ, kɛ mɛ nitsɛmɛ a ma mi ekohu.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Matsɛmɛ I, 8:41

“Jã kɛ̃, ke nubwɔ ko nɛ je ma se lokoo nu o biɛ, kɛ ní nguahi nɛ o pee ha o ma, Israel ɔ, nɛ e ba we nɛ ɔ mi nɛ e ba ja mo, nɛ e sɔle ɔ,

La 102:23

Yawɛ ha nɛ i gbɔjɔ be mi nɛ i ngɛ he wami mi kɛ mwɔɔ. E po ye wami be ɔ nɔ kpiti.