Yeremia 3:15 - BAIBLO ALOO NGMAMI KLƆUKLƆU Ɔ

¹⁵ Ma ha nyɛ nɔ yeli nɛ peeɔ ye suɔmi nya ní, nɛ a kɛ nile kɛ nɔ́ sisi numi maa hyɛ nyɛ nɔ.

Yeremia 3:15 ပူးပေါင်းရင်းမြစ်များ

Yeremia 23:4

Ma je nɔ yeli kpakpahi ha mɛ nɛ a hyɛ a nɔ. A be gbeye yee hu; sawale be mɛ nue hu, nɛ i be a tue gblae hu. Imi, Yawɛ lɛ i de.”

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ezekiel 34:23

Ma ngɔ to hyɛlɔ kake kɛ to a nya nɛ e hyɛ a nɔ. Lɛ ji ye tsɔlɔ David. E maa hyɛ a nɔ saminya.

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Ezekiel 37:24

Ye tsɔlɔ David ma ba ye matsɛ ngɛ a nɔ. Mɛ tsuo a maa hi tsɛ kake sisi, nɛ a maa ye ye mlaa amɛ a nɔ pɛpɛɛpɛ.

Luka 12:42

Nyɔmtsɛ ɔ he nɔ ke, “Ma tsɔɔ nyɛ bɔ nɛ tsɔlɔ nɛ yeɔ anɔkuale, nɛ le ní hulɔ ɔ ngɛ ha. Lɛ ji nɔ nɛ ke e nyɔmtsɛ ɔ maa hia blɔ, nɛ e toɔ we ɔ ngɔ woɔ e dɛ mi; lɛ nɛ e haa tsɔli kpa amɛ a niye ní ngɛ be nɛ sa mi.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?