Yeremia 3:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Yeremia 3:1 ပူးပေါင်းရင်းမြစ်များ

La 106:38

A pue nihi nɛ pee we yayami a muɔ si; mɛ nitsɛmɛ a binyumuhi, kɛ a biyihi po a ngɔ mɛ kɛ sã bɔ ha Kanaan wɔhi; nɛ a kɛ muɔ ble zugba a.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yeremia 22:20

Yerusalem ma, nyɛɛ ya nɛ nyɛ ya kpa bubuubui ngɛ Lebanon. Nyɛɛ ya Bashan nɛ nyɛ ya kpa bubuubui ngɛ lejɛ ɔ. Nyɛ ya kpa kuu ngɛ Moab yo ɔmɛ a nɔ, ejakaa a kpata nyɛ huɛmɛ ɔmɛ tsuo a hɛ mi.

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Yeremia 4:1

Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Ezekiel 16:26

Lɔ ɔ se hu, o kɛ Egipt bi, he lo akɔnɔtsɛmɛ ɔmɛ nɛ ngɛ o kasa nya a hu bɔ ajuama ja nɔuu. O kɛ o we ajuama bɔmi babauu ɔ wo ye mi mi la.

Ezekiel 16:30

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Hyɛ bɔ nɛ o mumu nya ta ha! O pee o he ajuamatsɛ, nɛ e pee we mo zo ko zo ko kulaa!

Ezekiel 16:35

Lɔ ɔ he ɔ, Yerusalem, mo yaholɔ! Bu nɔ́ nɛ Yawɛ ngɛ mo dee ɔ tue.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Hosea 1:2

Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Mateo 5:31

“A de hulɔ ke, ‘Ke nɔ ko maa fie e yo ɔ, e ha lɛ fiemi womi.’

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Manyadali 19:2

E ba mi kaa e plã yo ɔ mi mi fu lɛ, nɛ e tu fo kɛ ho e tsɛ we ya ngɛ Betlehem Yuda, nɛ e ya hi lejɛ ɔ nyɔhiɔ eywiɛ.