Yeremia 29:9 - BAIBLO ALOO NGMAMI KLƆUKLƆU Ɔ

⁹ Lakpa gbami lɛ a ngɛ gbae ha nyɛ ngɛ ye biɛ mi ɔ nɛ; i tsɔ we mɛ. Imi, Yawɛ lɛ i de.’

Yeremia 29:9 ပူးပေါင်းရင်းမြစ်များ

Yeremia 27:15

Yawɛ nitsɛ de ke pi lɛ nɛ tsɔ mɛ; pe a ngɔ e biɛ kɛ ngɛ nyɛ sisie kɛkɛ. Lɔ ɔ he ɔ, Yawɛ maa fie nyɛ kɛ je hiɛ ɔ, nɛ nyɛɛ kɛ gbali ɔmɛ tsuo nɛ ngɛ nyɛ lakpa munyu nɛ ɔmɛ tue ɔ, nyɛ hɛ mi ma kpata.”

Yeremia 29:31

ma tsɔ nɛ a ngɔ sɛ gbi nɛ ɔ nɛ kɔɔ Shemaya he ɔ ya ha nihi tsuo nɛ a nuu mɛ kɛ ho ɔ ke, “Imi Yawɛ, ma gbla Shemaya kɛ e nina tsuo a tue. I tsɔ we lɛ, se e kɛ nyɛ ba tu munyu kaa nɔ́ nɛ gbalɔ ji lɛ; nɛ e ha nɛ nyɛ he e lakpa munyu ɔmɛ ye. E nina ko nina ko be nyɛ kpɛti hie. Ní kpakpahi nɛ ma ba pee kɛ ha ye ma a hwɔɔ se ɔ, e be je mi hie kɛ yaa si jamɛ a be ɔ nɛ e ba na kɛ e hɛngmɛ; ejakaa e de ye ma a ke a tsɔ atuã kɛ wo mi. Imi, Yawɛ lɛ i de.”

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 27:14

Gbali ɔmɛ nɛ deɔ nyɛ ke nyɛ ko sɔmɔ Babilonia matsɛ ɔ, nyɛ ko bu mɛ tue. Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ.

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Yeremia 23:21

Yawɛ ke, “I tsɔ we gbali nɛ ɔmɛ, se kɛ̃ a he sɔ kɛ ya fiɛ. I ha we mɛ sɛ gbi ko, se kɛ̃ a gba ngɛ ye biɛ mi.