Yeremia 28:9 - BAIBLO ALOO NGMAMI KLƆUKLƆU Ɔ

⁹ Gbalɔ nɛ gbaa ke tue mi jɔmi maa ba a, ke jamɛ a gbalɔ ɔ munyu ɔ na ba mi ɔ, lɔ ɔ loko a maa le kaa Yawɛ lɛ tsɔ lɛ niinɛ.”

Yeremia 28:9 ပူးပေါင်းရင်းမြစ်များ

Mose V, 18:22

Ke gbalɔ ko gba ngɛ Yawɛ biɛ mi, nɛ nɔ́ nɛ e de ɔ bɛ mi ɔ, sɛ gbi ɔ ji Yawɛ ngɔ. Jamɛ a gbalɔ ɔ nitsɛ e nya mi munyu ji lɔ ɔ nɛ; koo ye lɛ gbeye.

Yeremia 6:14

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pa a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi,’ be mi nɛ tue mi jɔmi ko be.

Yeremia 14:13

Kɛkɛ nɛ i de ke, “Nyɔmtsɛ Yawɛ! Mo nitsɛ o le kaa gbali ɔmɛ deɔ ma a ke ta, loo hwɔ be bae, ejakaa o wo si veveeve kaa tue mi jɔmi pɛ lɛ maa hi zugba a nɔ.”

Yeremia 8:11

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pá a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi’, be mi nɛ tue mi jɔmi ko be.

Yeremia 4:10

Kɛkɛ nɛ i de ke, “Ao, Nyɔmtsɛ Mawu, anɔkuale mi ɔ, o sisi Yerusalem bi ɔmɛ pɛ! Mo lɛ o wo si ke tue mi jɔmi maa ba ma a mi, se klaate mohu ji nɛ ɔ ngɛ ni ɔmɛ a kuɔ si.”

Ezekiel 33:33

Níhi nɛ o de mɛ ɔ tsuo maa ba mi sisiisi. Ke a ba mi ɔ, kɛkɛ a maa le kaa gbalɔ ko kɛ mɛ ba hi si hyɛ.”

Mose V, 18:21

“O ma bi o he ke, ‘Kɛ ma pee kɛ le kaa gbalɔ ko sɛ gbi ji Yawɛ ngɔ kɛɛ?’

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.