Yeremia 28:14 - BAIBLO ALOO NGMAMI KLƆUKLƆU Ɔ

¹⁴ Yawɛ Tabohiatsɛ, Israel Mawu ɔ ke e kɛ dade kuɛpã tso maa fɔ je ma nɛ ɔmɛ tsuo a kuɛ, nɛ a ma ba sɔmɔ Babilonia matsɛ, Nebukadnezar. Yawɛ ke e ma ha nɛ pu mi lohwehi po ma sɔmɔ Nebukadnezar.”

Yeremia 28:14 ပူးပေါင်းရင်းမြစ်များ

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Daniel 2:38

Mawu ngɔ nimli adesahi ngɛ je nɛ ɔ mi tsuo, pu mi lohwehi, kɛ we mi lohwehi ngɔ wo o dɛ nɛ o ye a nɔ. Mo ji jamɛ yi nɛ a kɛ sika tsu pee ɔ nɛ.

Yeremia 40:4

Lɔ ɔ he ɔ, i ngɛ pã nɛ ɔ jee ngɛ o kɔni si mwɔnɛ ligbi nɛ ɔ. Ke o suɔ kaa o kɛ mi maa ya Babilonia a, i kɛ mo maa ya nɛ ma ya hyɛ o nɔ saminya ngɛ lejɛ ɔ. Se ke e dɛ ha mo kaa o kɛ mi maa ya a, lɛɛ mo ko ya. Hyɛ, zugba a tsuo lɛ ngɛ o hɛ mi nɛ ɔ nɛ. He tsuaa he nɛ hi ha mo nɛ o suɔ kaa o maa ya a, yaa.”

Yeremia 27:4

E de mi ke ma fa mɛ nɛ a ya de a nyɔmtsɛmɛ ɔmɛ ke bɔ nɛ lɛ Yawɛ Tabohiatsɛ, Israel Mawu ɔ de ji nɛ ɔ nɛ:

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Yeremia 15:12

Nɔ ko nɔ ko be nyɛe maa ku dade mi. Omleyi je dade nɛ a kɛ akɔblee futu mi ɔ, mɛnɔ ma nyɛ maa ku?

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Hosea 10:11

“Sa a, Israel ngɛ kaa na yiheyo nɛ a tsɔse lɛ saminya. Be tsuaa be ɔ, e suɔ kaa e gblɛ ngma. Se i pee ye yi mi kaa ma wo e kuɛ saminyayoo ɔ kuɛpã tso, konɛ e tsu ní kpakpataa. I ha Yuda gbla na kpakplaa tso ɔ, nɛ Israel hɛɛ ngmɔ nɔ dlami nɔ́ ɔ mi.