Yeremia 28:13 - BAIBLO ALOO NGMAMI KLƆUKLƆU Ɔ

¹³ ma ya nɛ ma ya de Hanania ke, “Yawɛ ke o ku tso kuɛpã tso ɔ lɛɛ, se e maa pee dade nɔ́ kɛ to nane mi.

Yeremia 28:13 ပူးပေါင်းရင်းမြစ်များ

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Yeremia 27:15

Yawɛ nitsɛ de ke pi lɛ nɛ tsɔ mɛ; pe a ngɔ e biɛ kɛ ngɛ nyɛ sisie kɛkɛ. Lɔ ɔ he ɔ, Yawɛ maa fie nyɛ kɛ je hiɛ ɔ, nɛ nyɛɛ kɛ gbali ɔmɛ tsuo nɛ ngɛ nyɛ lakpa munyu nɛ ɔmɛ tue ɔ, nyɛ hɛ mi ma kpata.”

La 149:8

Á wo a matsɛmɛ ɔmɛ kɔsɔkɔsɔ, nɛ a we ablade ɔmɛ ɔ, a bɔ mɛ dade pã;

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

La 107:16

E ku akɔblee agbo ɔmɛ, nɛ e poo agbo se lami dade ɔmɛ a mi.

Yesaya 45:2

“Imi nitsɛ ma nyɛɛ o hɛ mi, nɛ ma ba yo ɔmɛ tsuo si. Ma ku akɔblee agbo ɔmɛ, nɛ ma poo a se lami ní ɔmɛ a mi ngɔ pue he.

Yeremia 27:2

Yawɛ de mi ke ma ya pee kuɛpã tso kɛ e he kpa nɛ a kɛ lohwe he womi pee kɛ kpla ye kuɛ.

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Ezekiel 30:18

Ma kpɔ Egipt he wami ɔ ngɛ e dɛ, nɛ e he nɔ womi babauu ɔ se maa po; jamɛ a be ɔ, diblii maa wo ngɛ Tafanes piani katakata. Amanehlu maa pee kaa bɔku nɛ ha Egipt zugba a nɔ, nɛ a maa nuu e ma amɛ a mi bi ɔmɛ tsuo nyɔguɛ.

Kronika II, 10:11

Tsaatsɛ ngɔ tlomi nɛ jiɔ ngɔ tloo nyɛ; imi lɛɛ i kɛ tlomi ɔ eko ma pa piɛ he ha nyɛ. Tsaatsɛ ngɔ kpa gu kɛ fia nyɛ; imi lɛɛ i kɛ okpɔngɔ kpa maa fia nyɛ!’ ”