Yeremia 28:11 - BAIBLO ALOO NGMAMI KLƆUKLƆU Ɔ

¹¹ Nɛ e de ngɛ ma a tsuo hɛ mi ke, “Yawɛ ke, kuɛpã tso ɔ nɛ Babilonia matsɛ, Nebukadnezar ngɔ wo je ma amɛ tsuo a kuɛ ɔ, bɔ nɛ lɛ Yawɛ ɔ maa ku jamɛ a kuɛpã tso ɔ ji nɛ ɔ nɛ. E maa pee nɔ́ nɛ ɔ hiɛmɛ nɛ ɔ jeha enyɔ mi.” Kɛkɛ nɛ i je lejɛ ɔ.

Yeremia 28:11 ပူးပေါင်းရင်းမြစ်များ

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Abɛ Womi 14:7

O kɛ kuasia ko bɔ; o be nile munyu ko nue kɛ je e nya mi.

Yeremia 29:9

Lakpa gbami lɛ a ngɛ gbae ha nyɛ ngɛ ye biɛ mi ɔ nɛ; i tsɔ we mɛ. Imi, Yawɛ lɛ i de.’

Yeremia 23:17

Daa nɛ ɔ, bɔ nɛ a deɔ ni nɛmɛ nɛ sume nɛ a buɔ ye munyu ɔ tue ji, ‘Nyɛ ko ye tsui tete! Nɔ́ tsuaa nɔ́ maa hi.’ Tue wali ɔmɛ lɛɛ bɔ nɛ a deɔ mɛ ji, ‘Haomi ko haomi ko be nyɛ nɔ bae fɛɛ.’ ”

Kronika II, 18:10

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Ní nɛ ɔmɛ ji níhi nɛ o kɛ maa gbe Siria bi ɔmɛ kɛ yaa si o ma kpata a hɛ mi pɛsɛpɛsɛ.’ ”

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

Ezekiel 13:7

I de mɛ ke, ‘Jamɛ a nina amɛ nɛ nyɛ naa a be mi, nɛ nyɛ gbami ɔmɛ hu lakpa sɔuu. Nyɛ deɔ ke ye sɛ gbi ji lɔ ɔmɛ, be mi nɛ i de we nyɛ nɔ́ ko!’ ”

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.