Yeremia 27:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Yeremia 27:9 ပူးပေါင်းရင်းမြစ်များ

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yeremia 29:8

Imi Yawɛ Tabohiatsɛ, Israel Mawu ɔ, i ngɛ nyɛ dee ke, gbali, kɛ klaali nɛ ngɛ nyɛ kpɛti ɔ, nyɛ ko ha nɛ a sisi nyɛ. Nyɛ ko ha nɛ a de nyɛ níhi nɛ nyɛ nitsɛmɛ nyɛ suɔ nɛ ba mi.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 18:23

Kane be tsoe ngɛ ma a mi hu; nɛ a be ayɛflo huno, kɛ ayɛflo nya nue hu. O jua yeli ɔmɛ ji nimli nguahi ngɛ je ɔ mi tsuo, nɛ o ngɔ kunya yemi kɛ sisi nihi tsuo ngɛ je ɔ mi!”

Kpojemi 9:21

Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

Ni Tsumi 8:11

Niinɛ, kunya yemi nɛ ɔ nɛ haa ni ɔmɛ a nya kpɛɛ a he ɔ, Simon je sisi kɛ.

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yoshua 13:22

Nihi nɛ Israel bi ɔmɛ gbe ɔ, a ti nɔ kake ji klamɔ ɔ nɛ a tsɛɛ lɛ Balaam ɔ. Beor binyumu ji lɛ.

Mose V, 18:14

Jehanɛ, Mose de ke, “Je ma amɛ nɛ o yaa ngɔ a zugba a buɔ nihi nɛ klaa, kɛ kunya tsuli tue; nyɛɛ lɛɛ Yawɛ, nyɛ Mawu ɔ kplɛɛ we nɛ nyɛɛ pee ja.

Mose II, 7:11

Kɛkɛ nɛ Farao ɔ hu tsɛ e ní leli ɔmɛ, kɛ kunya yeli ɔmɛ nɛ ji Egipt wɔnɔ ɔmɛ kɛ ba, nɛ mɛ hu a gu a ga blɔ ɔmɛ a nɔ kɛ pee ja nɔuu.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Mose II, 22:18

“Yo tsuaa yo nɛ tsuɔ kunya a, a gbe lɛ.

Abɛ Womi 19:27

Ye bi, ke o sume nɛ a slɔ mo ɔ, nile munyuhi ma bɔ mo.

Ezekiel 21:29

Ninahi nɛ nyɛ na a tsuo, lakpa sɔuu; gbamihi nɛ nyɛ ngɛ gbae ɔ hu jã kɛ̃. Nyɛ yiwutsotsɛmɛ nɛ yayami pɛ nyɛ peeɔ, nyɛ be ɔ su ta; be nɛ a maa gbla nyɛ tue ɔ ma oo! A kɛ klaate ma kpata nyɛ hɛ mi pɛsɛpɛsɛ.’

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Mose V, 13:2

bɔ nɛ pee nɛ e kpaka nyɛ kɛ ya ja Mawu kpahi, nɛ pohu nyɛ ja we mɛ hyɛ ɔ, ke kaa níhi nɛ e wo a he si ɔ ba mi tete po ɔ,