Yeremia 27:7 - BAIBLO ALOO NGMAMI KLƆUKLƆU Ɔ

⁷ Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 27:7 ပူးပေါင်းရင်းမြစ်များ

Yeremia 52:31

Jeha mi nɛ Evilmerodak ba bɔni matsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ kɛ je tsu mi jamɛ a jeha a nɔuu. Nyɔhiɔ nyɔngma kɛ enyɔ ɔ we ligbi nɛ ji nyingmi enyɔ kɛ enuɔ ɔ nɔ lɛ a ngmɛɛ Yehoyakin he ɔ nɛ. Jamɛ a be ɔ, Yehoyakin na jeha nyingmi etɛ kɛ kpaago momo ngɛ nyɔguɛ si himi mi.

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Habakuk 2:7

Tlukaa a, nyɛ hiɔtsɛmɛ ɔmɛ maa te si kɛ wo nyɛ kɛ abofu. Ke a ma kikɛ nɛ ɔ, nyɛ he maa hi doe blibliibli. Kɛkɛ ɔ, a ma ba ha nyɛ nɔ́ tsuaa nɔ́ kɛ je.

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

La 37:13

Se Yawɛ lɛɛ e muɔɔ yayami peeli, ejakaa e le kaa e be kɛe nɛ a ma kpata a hɛ mi.

Yeremia 27:22

A maa ngɔ ní nɛ ɔmɛ kɛ maa ya Babilonia, ya to ngɛ lejɛ ɔ kɛ yaa si ma kai mɛ. Kɛkɛ ɔ, ma kpale mɛ kɛ ba to a blɔ he ngɛ hiɛmɛ nɛ ɔ ekohu. Imi, Yawɛ lɛ i de.”

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 44:30

Ma ngɔ Egipt matsɛ, Hofra kɛ wo e he nyɛli ɔmɛ nɛ ngɛ lɛ hlae nɛ a gbe ɔ a dɛ mi kaa bɔ nɛ i pee Yuda matsɛ, Zedekia a. I ngɔ Matsɛ Zedekia nɛ ɔ kɛ wo Babilonia matsɛ, Nebukadnezar, nɛ ji e he nyɛlɔ ɔ nɛ ngɛ lɛ hlae nɛ e gbe ɔ dɛ mi.”

Yeremia 46:13

Benɛ Babilonia matsɛ, Nebukadnezar ma nɛ e ba tua Egipt ɔ, Yawɛ kɛ mi tu munyu. Yawɛ de mi ke,

Daniel 2:37

Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Habakuk 2:8

Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.

Ezekiel 30:24

Lɔ ɔ se ɔ, ma wo Babilonia matsɛ ɔ dɛ mi klaate, konɛ e na he wami ekohu. Se Egipt matsɛ ɔ lɛɛ, ma kplɔ e kɔni ɔmɛ ngɛ e he. E ma kɛmɛ ngɛ e he nyɛlɔ ɔ hɛ mi; nyagbe ɔ, e ma gbo.