Yeremia 27:3 - BAIBLO ALOO NGMAMI KLƆUKLƆU Ɔ

³ Jehanɛ, Yawɛ de mi ke ma tsɔ nɛ a kɛ sɛ gbi ya ha Edom matsɛ, Moab matsɛ, Amon matsɛ, Tiro matsɛ, kɛ Sidon matsɛ. E de mi ke ma ngɔ sɛ gbi nɛ ɔ kɛ gu ma nɛ ɔmɛ a nane mi dali ɔmɛ nɛ ba Yuda matsɛ, Zedekia ngɔ ngɛ Yerusalem ɔ a nine nɔ.

Yeremia 27:3 ပူးပေါင်းရင်းမြစ်များ

Amos 1:9

Yawɛ ke, “Tiro ma mi bi ɔmɛ pee yayamihi nɔtonɔto babauu. A jua kɔpehi babauu a mi bi kaa nyɔguɛhi kɛ ha Edom bi, nɛ kake peemi somi nɛ ngɛ nyɛmi kɛ nyɛmi a kpɛti ɔ, a yi nɔ. Enɛ ɔ he je ɔ, ja i gbla a tue kokooko.

Ezekiel 29:18

“Nɔmlɔ adesa, Nebukadnezar, Babilonia matsɛ ɔ ya tua Tiro. E ha e ta buli tsu ní kpakpataa ngɛ ta nɛ e kɛ Tiro ngɛ hwue ɔ he: a tloo tlomi nɛ jiɔ; nɔ tsuaa nɔ yi mi kpa, nɛ e konɔ kpɔ. Se matsɛ ɔ kɛ e tabo ɔ na we se ko kɛ ji dengme nɛ a gbo ɔ mi.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Yesaya 23:4

Sidon ma, zo gbe mo! Bɔ nɛ wo kpetekpleenyɛ ɔ ngɛ mo dee ji nɛ ɔ nɛ: “I fɔ we hyɛ, nɛ i lɛ́ binyumuwi kɛ biyiwi hyɛ.”

Yeremia 27:4

E de mi ke ma fa mɛ nɛ a ya de a nyɔmtsɛmɛ ɔmɛ ke bɔ nɛ lɛ Yawɛ Tabohiatsɛ, Israel Mawu ɔ de ji nɛ ɔ nɛ:

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Yeremia 28:1

Jamɛ a jeha a nɔuu mi ɔ, Azur bi Hanania, gbalɔ ɔ nɛ je Gibeon ɔ kɛ mi tu munyu ngɛ Yawɛ we ɔ. Yuda matsɛ, Zedekia yi nɔ jeha eywiɛne ɔ we nyɔhiɔ nɛ ji enuɔ ɔ mi sane ji nɛ ɔ nɛ. Ngɛ osɔfo ɔmɛ, kɛ ma a tsuo a hɛ mi ɔ, Hanania de mi ke,