Yeremia 27:22 - BAIBLO ALOO NGMAMI KLƆUKLƆU Ɔ

²² A maa ngɔ ní nɛ ɔmɛ kɛ maa ya Babilonia, ya to ngɛ lejɛ ɔ kɛ yaa si ma kai mɛ. Kɛkɛ ɔ, ma kpale mɛ kɛ ba to a blɔ he ngɛ hiɛmɛ nɛ ɔ ekohu. Imi, Yawɛ lɛ i de.”

Yeremia 27:22 ပူးပေါင်းရင်းမြစ်များ

Yeremia 29:10

“Yawɛ ke, ‘Babilonia jeha nyingmi kpaago ɔ se ɔ, ma kai nyɛ. Nɛ, si nɛ i wo ke ma ngɔ nyɛ kɛ ba we ekohu ɔ, ma ye jamɛ a siwo ɔ nɔ.

Yeremia 32:5

A maa ngɔ Zedekia kɛ ya Babilonia, nɛ e ma ya hi lejɛ ɔ kɛ yaa si i kɛ lɛ maa to ní. Ke e kɛ Babilonia bi ɔmɛ hwu ta po e be mɛ nyɛe. Imi, Yawɛ lɛ i de.”

Ezra 7:19

Níhi tsuo nɛ a ngɔ ha mo nɛ a kɛ sɔmɔ ngɛ O Mawu we ɔ, ngɔɔ kɛ ya ha Mawu ngɛ Yerusalem.

Ezra 1:11

Sika tsu kɛ sika hiɔ kã, kɛ kplu nɛ ɔmɛ tsuo a yibɔ ji 5,400. Benɛ Sheshbazar kɛ nihi nɛ a nuu kɛ ho Babilonia ya a kpale kɛ ma Yerusalem ɔ, e ngɔ ní nɛ ɔmɛ tsuo kɛ ba.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Daniel 9:2

Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Yeremia 34:5

O ma gbo ngɛ tue mi jɔmi mi. Nɛ kaa bɔ nɛ a sã tsopa kɛ e he via kɛ pu o nɛmɛ, nɛ ji matsɛmɛ ɔmɛ nɛ nyɛɛ o hɛ mi ɔ, ja nɔuu a maa sã tsopa kɛ e he via kɛ ha mo. A maa wo yana, nɛ a ma de ke, ‘Nɛnɛ! Due! Due!’ Imi, Yawɛ lɛ i de.”

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Matsɛmɛ II, 25:13

Babilonia bi ɔmɛ ywia akɔblee titima amɛ nɛ ngɛ Yawɛ we ɔ, kɛ akɔblee nyu nɔ́ agbo ɔ kɛ e sisi daka amɛ; nɛ a muɔ akɔblee ɔ kɛ ho Babilonia ya.

Yeremia 20:5

Ma ha nɛ he nyɛli maa ha a níhi tsuo pɛpɛɛpɛ ngɛ ma a mi: níhi nɛ a gbo dengme kɛ na, weto ní kpakpahi, kɛ Yuda matsɛmɛ ɔmɛ a juetli; nɛ a maa muɔ kɛ ya Babilonia.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 27:21

“Níhi nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem ɔ, nyɛɛ bu nɔ́ nɛ imi Yawɛ Tabohiatsɛ, Israel Mawu ɔ, i ngɛ dee ngɛ a he ɔ tue.

Yeremia 34:2

Yawɛ, Israel Mawu ɔ fa mi ke ma ya de Yuda matsɛ, Zedekia ke, “Imi Yawɛ, ma ngɔ ma nɛ ɔ kɛ wo Babilonia matsɛ ɔ dɛ mi, nɛ e maa sã ma a.

Yeremia 34:3

Mo nitsɛ hu o be o he yee; a maa nu mo kɛ ya ha Babilonia matsɛ ɔ. O maa na lɛ hɛ mi kɛ hɛ mi, nɛ o kɛ lɛ maa tu munyu; nɛ lɔ ɔ se ɔ, a maa ngɔ mo kɛ ho Babilonia ya.