Yeremia 27:14 - BAIBLO ALOO NGMAMI KLƆUKLƆU Ɔ

¹⁴ Gbali ɔmɛ nɛ deɔ nyɛ ke nyɛ ko sɔmɔ Babilonia matsɛ ɔ, nyɛ ko bu mɛ tue. Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ.

Yeremia 27:14 ပူးပေါင်းရင်းမြစ်များ

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Yeremia 23:21

Yawɛ ke, “I tsɔ we gbali nɛ ɔmɛ, se kɛ̃ a he sɔ kɛ ya fiɛ. I ha we mɛ sɛ gbi ko, se kɛ̃ a gba ngɛ ye biɛ mi.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Yeremia 37:19

O gbali ɔmɛ nɛ de mo ke Babilonia matsɛ ɔ be bae nɛ e ba tua mo, loo zugba nɛ ɔ, jije a ngɛ?

Yeremia 38:22

I na nɛ a ngɔ yi ɔmɛ tsuo nɛ piɛ ngɛ Yuda matsɛ we ɔ mi ɔ kɛ yaa Babilonia matsɛ ɔ ma nimeli ɔmɛ a ngɔ. Benɛ a yaa a, nɔ́ nɛ a ngɛ dee ji nɛ ɔ nɛ: ‘Matsɛ ɔ huɛmɛ kpakpa amɛ sisi lɛ nɛ a ye e nɔ. Se amlɔ nɛ ɔ nɛ e nane pu mɔsɔ lɛɛ e huɛmɛ ɔmɛ je e he?’ ”

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.