Yeremia 27:11 - BAIBLO ALOO NGMAMI KLƆUKLƆU Ɔ

¹¹ Se ke je ma ko maa ba a he si ha Babilonia matsɛ ɔ, nɛ a ma sɔmɔ lɛ ɔ, ma ha nɛ a maa hi mɛ nitsɛmɛ a zugba nɔ; a ma hu zugba a, nɛ a maa hi nɔ. Imi, Yawɛ lɛ i de.”

Yeremia 27:11 ပူးပေါင်းရင်းမြစ်များ

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Yeremia 27:2

Yawɛ de mi ke ma ya pee kuɛpã tso kɛ e he kpa nɛ a kɛ lohwe he womi pee kɛ kpla ye kuɛ.

Yeremia 21:9

Nɔ tsuaa nɔ nɛ maa hi ma nɛ ɔ mi ɔ, e yi maa ta; ta, loo hwɔ, loo gbenɔ hiɔ maa gbe lɛ. Se nɔ tsuaa nɔ nɛ maa je ma a mi kɛ ya Babilonia bi nɛ ba sa ma a yi ɔ a ngɔ, nɛ e ma ya nu a nane ɔ, e yi ma na wami; nɛ e maa ya we mi hɛ ngmengmle.

Yeremia 38:2

Yawɛ de ke, “Nɔ tsuaa nɔ nɛ maa hi ma a mi ɔ, ta, loo hwɔ, loo gbenɔ hiɔ maa gbe lɛ. Se nɔ nɛ maa ngɔ e he ya ha Babilonia bi ɔmɛ ɔ, a be lɛ gbee; e yi ma na wami.”

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Ezekiel 28:25

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma kpale ye ma Israel kɛ je je ma amɛ a kpɛti he nɛ i gbɛ mɛ kɛ fĩa a, nɛ je ma amɛ tsuo maa le kaa nɔ klɔuklɔu ji mi. Israel ma a ma ba hi mɛ nitsɛmɛ a zugba nɛ i ngɔ ha ye tsɔlɔ Yakob ɔ nɔ.