Yeremia 27:10 - BAIBLO ALOO NGMAMI KLƆUKLƆU Ɔ

¹⁰ Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ. Nɛ nɔ́ nɛ maa je mi kɛ ba ji a ma ba ngɔ nyɛ kɛ je nyɛ zugba a nɔ kɛ ya tsitsaa lokoo. Ma fie nyɛ kɛ je hiɛ ɔ, nɛ nyɛ hɛ mi ma kpata.

Yeremia 27:10 ပူးပေါင်းရင်းမြစ်များ

Yeremia 32:31

Kɛ je be nɛ a bɔ ma nɛ ɔ, ye mi mi la sɔuu lɛ ma mi bi ɔmɛ ngɛ woe. I to kaa ma kpata ma a hɛ mi,

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Yeremia 28:16

Lɔ ɔ he ɔ, Yawɛ nitsɛ ke e ma je mo kɛ je je ɔ mi. O ma gbo jeha nɛ ɔ mi nɔuu, ejakaa o de ma a ke a tsɔ atuã kɛ wo Yawɛ.”

Yeremia 27:14

Gbali ɔmɛ nɛ deɔ nyɛ ke nyɛ ko sɔmɔ Babilonia matsɛ ɔ, nyɛ ko bu mɛ tue. Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ.

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Mose II, 22:18

“Yo tsuaa yo nɛ tsuɔ kunya a, a gbe lɛ.

Mose V, 18:10

Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yeremia 27:15

Yawɛ nitsɛ de ke pi lɛ nɛ tsɔ mɛ; pe a ngɔ e biɛ kɛ ngɛ nyɛ sisie kɛkɛ. Lɔ ɔ he ɔ, Yawɛ maa fie nyɛ kɛ je hiɛ ɔ, nɛ nyɛɛ kɛ gbali ɔmɛ tsuo nɛ ngɛ nyɛ lakpa munyu nɛ ɔmɛ tue ɔ, nyɛ hɛ mi ma kpata.”

Yeremia 27:16

Enɛ ɔ se ɔ, i de osɔfo ɔmɛ, kɛ ma a bɔ nɛ Yawɛ de ɔ ke, “Gbali ɔmɛ nɛ ngɛ nyɛ dee ke, e be kɛe kulaa nɛ a maa ngɔ Yawɛ we ɔ juetli ɔ kɛ je Babilonia kɛ ba a, nyɛ ko bu mɛ tue. Lakpa munyu lɛ a ngɛ tue ɔ nɛ.

Yeremia 28:11

Nɛ e de ngɛ ma a tsuo hɛ mi ke, “Yawɛ ke, kuɛpã tso ɔ nɛ Babilonia matsɛ, Nebukadnezar ngɔ wo je ma amɛ tsuo a kuɛ ɔ, bɔ nɛ lɛ Yawɛ ɔ maa ku jamɛ a kuɛpã tso ɔ ji nɛ ɔ nɛ. E maa pee nɔ́ nɛ ɔ hiɛmɛ nɛ ɔ jeha enyɔ mi.” Kɛkɛ nɛ i je lejɛ ɔ.

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.