Yeremia 26:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 26:6 ပူးပေါင်းရင်းမြစ်များ

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Yesaya 65:15

Nyɛ biɛ maa pee nɔ nɛ a kɛ gbiɛɔ ha ye ma nɛ i hla a; ejakaa imi Nyɔmtsɛ Yawɛ nitsɛ, ma kpata nyɛ hɛ mi; se ni nɛmɛ nɛ jaa mi ɔ lɛɛ ma wo mɛ biɛ he.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yeremia 25:18

Yerusalem bi, nihi nɛ ngɛ Yuda ma amɛ tsuo a mi, matsɛmɛ ɔmɛ, kɛ ma nimeli ɔmɛ tsuo pɛpɛɛpɛ nu. Nɛ kɛ je jamɛ a ligbi ɔ kɛ ba si mwɔnɛ ligbi nɛ ɔ, a hɛ mi kpata pɛsɛpɛsɛ; a plɛ pee he fɛu yemi nɔ́, kɛ gbiɛmi.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 29:22

Nihi nɛ a nuu kɛ je Yerusalem kɛ ho Babilonia ya a, ke a ngɛ hlae nɛ a gbiɛ nɔ ɔ, bɔ nɛ a ma de ji, ‘Yawɛ nɛ pee mo kaa Zedekia kɛ Ahab nɛ Babilonia matsɛ ɔ sã mɛ hɛ ngmengmle ngɛ la mi ɔ!’

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Kɔmɔ Yemi 2:15

Nihi tsuo nɛ ba guu ma a nya kɛ bee ɔ, hwɔɔ o yi; a huanyaa a yi, nɛ a yeɔ o he fɛu. A deɔ ke, “Jamɛ a ma kɛ e he fɛu ɔ ji nɛ ɔ? Je ɔ tsuo fiami nɔ́ ɔ ji nɛ ɔ lo?”

Kɔmɔ Yemi 2:16

O he nyɛli ɔmɛ tsuo ngɛ munyu tue kɛ ngɛ mo sie; a kɛ ninyɛ hyɛɛ mo gãã. A kpɔɔ nya kɛ woɔ mo. A deɔ ke, “E tsɔɔ mo! Mwɔnɛ ji mwɔnɛ! Wa nine su o nɔ jehanɛ!”

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Zakaria 5:3

E ya nɔ nɛ e de mi ke, “Gbiɛmi nɛ maa ba zugba a tsuo nɔ ji nɛ ɔ nɛ. A ngma ngɛ womi ɔ ba fa kake ke, ‘Nɔ tsuaa nɔ nɛ maa ju ɔ, a po lɛ ngɔ fɔ he.’ Nɛ a ngma ngɛ ba fa kake hu ke, ‘Nɔ tsuaa nɔ nɛ kãã lakpa kita a, a po lɛ ngɔ fɔ he.’

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.