Yeremia 26:24 - BAIBLO ALOO NGMAMI KLƆUKLƆU Ɔ

²⁴ Se Shafan bi Ahikam, matsɛ pɛdiyo ɔ, fa ye he. Enɛ ɔ he je ɔ, a ngɔɛ mi kɛ wui ma a dɛ mi nɛ a ya gbe mi.

Yeremia 26:24 ပူးပေါင်းရင်းမြစ်များ

Yeremia 39:14

ba ngɔ mi kɛ je tsu ɔ mi ngɛ matsɛ we ɔ. A ngɔ mi kɛ wo Shafan bi Ahikam bi Gedalia dɛ, konɛ e hyɛ nɛ ma ya su we mi. Nɛ i hi ye ma mi bi ɔmɛ a kpɛti.

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Kpojemi 12:16

Se zugba a ye bua yo ɔ; zugba a bli e nya mi, nɛ e mii nyu nɛ sinɔ nguaa a sú kɛ je e nya mi pue si ɔ.

Ni Tsumi 27:43

Se asafoatsɛ ɔ to e yi mi kaa e ma he Paulo yi wami, lɔ ɔ he ɔ, e tsi a nya, nɛ a gbi nɔ ko. Mohu ɔ, e fa ke nihi tsuo nɛ le silemi ɔ, mɛ kekle a tu ngɔ pue wo ɔ mi, nɛ a sile kɛ ya nu kpo;

Ni Tsumi 23:10

Benɛ pɛ ɔ mi ba wa a, asafoatsɛngua a ye gbeye kaa eko ɔ, a ma tsɔtslɔɔ Paulo mi. Lɔ ɔ he ɔ, e fa e ta buli ɔmɛ ke a kple si nɛ a ya ngɔ Paulo ngɛ a dɛ pani nya, nɛ a kɛ lɛ nɛ ba mɔ ɔ mi.

Kronika II, 34:20

nɛ e fa Hilkia, Shafan bi Ahikan, Mikaya bi Abdon, matsɛ pɛdiyo ɔ nɛ a tsɛɛ lɛ Shafan ɔ, kɛ matsɛ tsɔlɔ Asaya ke,

Matsɛmɛ II, 25:22

Babilonia matsɛ, Nebukadnezar wo Ahikam binyumu Gedalia, Shafan bibi ɔ amlaalo ngɛ Yuda; nɛ e ngɔ lɛ ngɔ to nihi nɛ a si ngɛ lejɛ ɔ, nɛ a ngɔɛ mɛ kɛ yɛ Babilonia a a nya.

Yeremia 29:3

I ngɔ womi ɔ kɛ mane Elasa, Shafan bi ɔ, kɛ Gamaria, Hilkia bi ɔ. Mɛ ji nihi nɛ Yuda matsɛ, Zedekia tsɔ mɛ Babilonia matsɛ, Nebukadnezar ngɔ ɔ nɛ. Nɔ́ nɛ ngɛ womi ɔ mi ji nɛ ɔ nɛ:

Yeremia 36:10

Kɛkɛ nɛ Baruk kane nɔ́ tsuaa nɔ́ nɛ i de ɔ kɛ ha ma a tsuo kaa bɔ nɛ a ngma ngɛ womi kpo ɔ mi ɔ. E kane womi kpo nɛ ɔ ngɛ Yawɛ we ɔ, ngɛ Gemaria, Shafan bi ɔ tsu ɔ mi. Gemaria nɛ ɔ ji matsɛ pɛdiyo, nɛ e tsu ɔ ngɛ yiti je kue ɔ mi, ngɛ Yawɛ we ɔ agbo he ɔ sinya a nya.

Yeremia 36:11

Benɛ Mikaya, Shafan bi Gemaria bi ɔ nu níhi tsuo nɛ Yawɛ de, kaa bɔ nɛ a kane kɛ je womi kpo ɔ mi ɔ,

Yeremia 36:12

e pue nɔ kɛ ho matsɛ we ɔ mi ya, nɛ e ya na ma nimeli ɔmɛ tsuo nɛ a bua a he nya ngɛ matsɛ pɛdiyo ɔ tsu ɔ mi. Nihi nɛ hii si ngɛ lejɛ ɔ ji Elishama, matsɛ pɛdiyo; Delaya, Shemaya bi ɔ; Elnatan, Akbor bi ɔ; Gemaria, Shafan bi ɔ; Zedekia, Hanania bi ɔ, kɛ ma nimeli kpa amɛ tsuo.

Yeremia 36:19

Kɛkɛ nɛ ma nimeli ɔmɛ de Baruk ke, “Yaa nɛ o ya laa o he, o kɛ Yeremia tsuo. Nyɛ ko ha nɛ nɔ ko nɛ le he nɛ nyɛ ngɛ.”

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.

Ezekiel 8:11

Israel ma nimeli nyingmi kpaago, kɛ Yaazania, Shafan bi ɔ daa si ngɛ lejɛ ɔ. A ti nɔ tsuaa nɔ hɛɛ ngɛyu kɛ e mi tsopa kɛ e he via nɛ la su ku ngɛ mi jee kɛ yaa hiɔwe.