Yeremia 26:2 - BAIBLO ALOO NGMAMI KLƆUKLƆU Ɔ

² Yawɛ de mi ke, “Yaa nɛ o ya da si ngɛ kue ɔ mi ngɛ Yawɛ we ɔ. Nihi nɛ jeɔ Yuda ma amɛ tsuo a mi kɛ baa lejɛ ɔ nɛ a ba jaa mi ɔ, de mɛ níhi tsuo nɛ i fa mo ke o fiɛ ha mɛ ɔ. Ko si ekoeko.

Yeremia 26:2 ပူးပေါင်းရင်းမြစ်များ

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.

Yeremia 19:14

Kɛkɛ nɛ i je Tofet, he nɛ Yawɛ tsɔ mi ke ma ya fiɛ e munyu ɔ ngɛ ɔ. Nɛ́ i je lejɛ ɔ, i ba da si ngɛ Yawɛ we ɔ kue ɔ mi, nɛ i de ma a tsuo ke,

Yeremia 23:28

Ke gbalɔ ko nla a, e sɛɛ e nlami ɔ. Se ke nɔ ko ná sɛ gbi kɛ je ye ngɔ ɔ, e fiɛ ngɛ anɔkuale mi. Jakati kɛ ngma a, mɛni bɔmi lɛ ngɛ a kpɛti?

Yeremia 25:2

I de Yuda ma a, kɛ Yerusalem bi ɔmɛ tsuo ke,

Yeremia 28:5

Kɛkɛ nɛ i de gbalɔ Hanania ngɛ osɔfo ɔmɛ, kɛ ma a tsuo nɛ daa si ngɛ Yawɛ we ɔ a hɛ mi ke,

Yeremia 36:10

Kɛkɛ nɛ Baruk kane nɔ́ tsuaa nɔ́ nɛ i de ɔ kɛ ha ma a tsuo kaa bɔ nɛ a ngma ngɛ womi kpo ɔ mi ɔ. E kane womi kpo nɛ ɔ ngɛ Yawɛ we ɔ, ngɛ Gemaria, Shafan bi ɔ tsu ɔ mi. Gemaria nɛ ɔ ji matsɛ pɛdiyo, nɛ e tsu ɔ ngɛ yiti je kue ɔ mi, ngɛ Yawɛ we ɔ agbo he ɔ sinya a nya.

Yeremia 42:4

I he nɔ ke, “Saminya! Ma kpa Yawɛ, wa Mawu ɔ pɛɛ ha nyɛ, kaa bɔ nɛ nyɛ bi ɔ; nɛ nɔ́ tsuaa nɔ́ nɛ Yawɛ ma de mi ɔ, ma ba bɔ nyɛ. I be nyɛ nɔ́ ko nɔ laae.”

Yeremia 7:27

“Lɔ ɔ he ɔ, Yeremia, o maa tu munyu nɛ ɔmɛ tsuo kɛ tsɔɔ ye ma a, se a be mo tue bue; o ma tsɛ mɛ, se a be nɔ hee.

Ezekiel 3:10

Mawu de hu ke, “Nɔmlɔ adesa, ta tue saminya, konɛ o kai nɔ́ tsuaa nɔ́ nɛ ma de mo ɔ.

Ezekiel 33:7

“Nɔmlɔ adesa, jehanɛ bu tue, ma pee mo Israel ma a he bulɔ. Munyuhi nɛ ma tu kɛ bɔ mɛ kɔkɔ ɔ, de mɛ lɛ tsuo.

Ezekiel 40:4

E de mi ke, “Nɔmlɔ adesa, bli o hɛngmɛ nɛ o hyɛ nɔ́ saminya; ta tue nɛ o nu nɔ́ tsuaa nɔ́ pɛpɛɛpɛ, nɛ o ngɔ o juɛmi kɛ fɔ nɔ́ tsuaa nɔ́ nɛ ma tsɔɔ mo ɔ nɔ; ejakaa a ngɔ mo kɛ ba hiɛmɛ nɛ ɔ, bɔ nɛ pee nɛ ma ngɔ ní nɛ ɔmɛ kɛ tsɔɔ mo. Nɔ́ tsuaa nɔ́ nɛ o maa na a, yaa nɛ o ya de Israel ma a.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Luka 19:47

Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Yohane 8:2

E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ni Tsumi 5:25

Kɛkɛ nɛ nɔ ko ba de mɛ ke, “Nyɛ le nɔ́ ko! Ni ɔmɛ nɛ nyɛ nuu wo tsu ɔ, a daa si ngɛ ma a ní tsɔɔe ngɛ sɔlemi we ɔ.”

Ni Tsumi 5:42

Daa ligbi ɔ, a tsɔɔ ní, nɛ a fiɛɔ sane kpakpa a nɛ kɔɔ Yesu Kristo he ɔ ngɛ sɔlemi we ɔ, kɛ nihi a wehi a mi.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.