Yeremia 26:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ nɛ ma nimeli ɔmɛ, kɛ ma a tsuo de osɔfo ɔmɛ, kɛ gbali ɔmɛ ke, “Nyumu nɛ ɔ kɛ wɔ tu munyu ngɛ Yawɛ, wa Mawu ɔ biɛ mi; e sɛ kaa a gbeɔ lɛ.”

Yeremia 26:16 ပူးပေါင်းရင်းမြစ်များ

Ni Tsumi 23:29

Nɔ́ nɛ i na ji, nyumu ɔ pee we nɔ́ ko nɛ sa kaa a gbe lɛ, loo a wo lɛ tsu tete; e nya nɛ a po ɔ kɔɔ mɛ nitsɛmɛ a mlaa he nɔ jemi sane komɛ a he.

Ni Tsumi 23:9

Huhui ɔ nya ba wa, nɛ mlaa tsɔɔli ɔmɛ nɛ ngɛ Farisi bi ɔmɛ a se ɔ te si kɛ pɛ wawɛɛ, nɛ a de ke, “Wɔɔ lɛɛ wa nɛ nɔ́ yaya ko ngɛ nɔmlɔ nɛ ɔ he! Alini mumi ko, loo hiɔwe bɔfo ko kɛ lɛ tu munyu niinɛ!”

Ni Tsumi 25:25

Se imi lɛɛ i na kaa e pee we nɔ́ ko nɛ sa gbenɔ. Akɛnɛ lɛ nitsɛ e ngɔ e sane ɔ kɛ ha Roma matsɛ ɔ he je ɔ, i ma nya si kaa a ngɔ lɛ kɛ ya ha Roma matsɛ ɔ.

Yeremia 36:25

E ngɛ mi kaa Elnatan, Delaya, kɛ Gemaria kpa matsɛ ɔ pɛɛ ke e ko sã womi kpo ɔ, se e bui mɛ tue fɛɛ.

Yeremia 36:19

Kɛkɛ nɛ ma nimeli ɔmɛ de Baruk ke, “Yaa nɛ o ya laa o he, o kɛ Yeremia tsuo. Nyɛ ko ha nɛ nɔ ko nɛ le he nɛ nyɛ ngɛ.”

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Luka 23:41

Wɔɔ lɛɛ wa nɔ́ ɔ sa wɔ; ejakaa níhi nɛ wa pee ɔ, a he hiɔwo nɛ wa na a nɛ. Se nyumu nɛ ɔ lɛɛ e pee we nɔ́ ko nɛ sɛ.”

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Yeremia 26:11

Kɛkɛ nɛ osɔfo ɔmɛ, kɛ gbali ɔmɛ, de ma nimeli ɔmɛ kɛ ma a ke, “Kaa bɔ nɛ nyɛ nitsɛmɛ nyɛ nu kɛ nyɛ tue ɔ, nyumu nɛ ɔ tu munyu kɛ si wa ma a. Lɔ ɔ he ɔ, ja a gbe lɛ!”

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Ester 4:14

Ke o de we nɔ́ ko ngɛ be kaa kikɛ nɛ ɔ mi ɔ, yi wami hemi maa je he kpa ko kɛ ba ha Yuda bi ɔmɛ; se moo lɛɛ, o ma gbo, nɛ o tsɛ we ɔ biɛ maa laa pɛsɛpɛsɛ. Se mɛnɔ maa le? Eko ɔ, be nɛ ngɛ kaa kikɛ nɛ ɔ he nɛ a wo mo manyɛ ngɛ ɔ nɛ!”

Yeremia 34:10

Ma a, kɛ ma nimeli ɔmɛ tsuo kplɛɛ kaa a maa ngmɛɛ a nyɔguɛ ɔmɛ a he nɛ a ye a he, konɛ nɔ ko kɛ e nyɛmi kó pee nyɔguɛ hu. Niinɛ, a pee ja, nɛ a ha nɛ a nyɔguɛ ɔmɛ ye a he.

Yeremia 37:15

Ma nimeli ɔmɛ a mi mi fu mi wawɛɛ nitsɛ. A fia mi ní, nɛ a wo mi tsu ngɛ matsɛ pɛdiyo ɔ nɛ a tsɛɛ Yonatan ɔ we ɔ mi. (Jamɛ a be ɔ mi ɔ, a kɛ lejɛ ɔ pee he nɛ a woɔ nɔ tsu ngɛ.)

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?