Yeremia 25:9 - BAIBLO ALOO NGMAMI KLƆUKLƆU Ɔ

⁹ ‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 25:9 ပူးပေါင်းရင်းမြစ်များ

Yeremia 18:16

A ha nɛ a zugba a pee gbeyegbeye kaa nɔ́ ko nɛ a maa hie daa. Nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e ma mimiɛ e yi.

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yesaya 13:3

Yawɛ tsɛ e ta buli katsɛmɛ ɔmɛ, kɛ e ni klɔuklɔu ɔmɛ, konɛ a gbla ni nɛmɛ nɛ ngɛ a he nɔ woe kɛ ngɛ e mi mi la woe ɔ a tue.

Yeremia 43:10

De mɛ ke imi Yawɛ Tabohiatsɛ, Israel Mawu ɔ, i yaa ngɔ Babilonia matsɛ Nebukadnezar, ye tsɔlɔ ɔ kɛ ba hiɛ ɔ. E maa ngɔ e matsɛ sɛ ɔ ba ma tɛ nɛ nyɛ pu ɔ nɔ, nɛ e kɛ e we akatabai ɔ maa ma lejɛ ɔ.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 39:7

A maa nuu mo nitsɛ o bimɛ ɔmɛ ekomɛ po kɛ ya Babilonia; a maa puɛ mɛ, nɛ a ma ya sɔmɔ ngɛ Babilonia matsɛ we ɔ mi.”

Ezekiel 26:7

Nyɔmtsɛ Yawɛ ya nɔ nɛ e de ke, “Ma ha Nebukadnezar, Babilonia matsɛ nguaa pe kulaa a ma ba tua Tiro. E kɛ e tabo babauu nitsɛ, nihi nɛ hi okpɔngɔhi a nɔ, nihi nɛ ngɛ ta zugba lɛhi a mi, kɛ nihi nɛ nyɛɛ nane maa je omleyi je kɛ ba.

Yeremia 40:2

Tatsɛ ɔ tsɛ mi kɛ ya se, nɛ e de mi ke, “Yawɛ, o Mawu ɔ de to ke e ma kpata zugba nɛ ɔ hɛ mi.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Mose V, 28:37

Ma amɛ, he nɛ Yawɛ maa ngɔ nyɛ kɛ ya a, a mi bi ɔmɛ maa ye gbeye ngɛ nyakpɛ nɔ́ nɛ ba nyɛ nɔ nɛ ɔ he; a maa muɔ nyɛ, nɛ a maa ye nyɛ he fɛu.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 25:8

“Lɔ ɔ he ɔ, akɛnɛ nyɛ bui Yawɛ Tabohiatsɛ ɔ tue he je ɔ, bɔ nɛ lɛ hu e ngɛ nyɛ dee ji nɛ ɔ nɛ:

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Yeremia 36:29

Yawɛ de mi ke ma de Yuda matsɛ, Yehoyakim ke, “O sã womi kpo ɔ, nɛ o bi Yeremia ke mɛni he je e ngma ke Babilonia matsɛ ɔ ma ba kpata zugba nɛ ɔ hɛ mi, nɛ e maa gbe e mi nimli, kɛ lohwehi tsuo lo.

Ezekiel 12:20

Mahi nɛ nihi ngɛ a mi ɔ tsuo ma plɛ pee ma dokuhi. Lɔ ɔ loko a maa le kaa imi ji Yawɛ!”

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Yeremia 1:14

Yawɛ de mi ke, “Niinɛ, amanehlu maa fia kɛ je omleyi je kɛ ba pue zugba nɛ ɔ nɔ bi tsuo a nɔ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Yeremia 46:20

Egipt ngɛ kaa na yo saminyayoo nɛ pwɔlwɛ je omleyi je ba kɔ lɛ.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Ezekiel 16:40

“A ma sa o yi; a maa fia mo tɛ, nɛ a kɛ klaate maa poo mo kpɔ nya kpɔ nya.

Ezekiel 21:11

Lɔ ɔ he ɔ, a sa klaate ɔ he saminya, konɛ a kɛ tsu ní. A duɔ klaate ɔ nya, nɛ a sa he hulɔ, konɛ a kɛ wo awi yelɔ ko dɛ mi.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Habakuk 1:17

Anɛ a kɛ klaate maa hi nihi gbee daa, nɛ a maa ya nɔ nɛ a kpata je ma amɛ a hɛ mi, nɛ a be mɔbɔ nae lo?