Yeremia 25:6 - BAIBLO ALOO NGMAMI KLƆUKLƆU Ɔ

⁶ A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 25:6 ပူးပေါင်းရင်းမြစ်များ

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Matsɛmɛ II, 17:35

Yawɛ kɛ mɛ so, nɛ e de mɛ ke, “Nyɛ ko ja mawu kpahi, nyɛ ko sɔmɔ mɛ, nɛ nyɛ ko sã bɔ ha mɛ!

Mose V, 6:14

Nyɛ ko ya nyɛɛ je ma amɛ nɛ bɔle nyɛ ɔ a mawu ɔmɛ a se.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Matsɛmɛ I, 14:22

Yuda ma a pee yayami kɛ si Yawɛ, nɛ a pee níhi babauu kɛ wo e mi mi la pe bɔ nɛ a nɛmɛ ɔmɛ tsuo pee ɔ po.

Yoshua 24:20

nɛ ke nyɛ si lɛ nɛ nyɛ ya sɔmɔ ma se mawuhi ɔ, e mi mi maa wo la, nɛ e maa gbla nyɛ tue. E ngɛ mi kaa e pee nyɛ kpakpa hyɛ lɛɛ, se e ma kpata nyɛ hɛ mi.”

Mose V, 28:14

Nyɛ ko kpale kɛ je mlaa nɛ ɔmɛ a he kɔkɔɔkɔ; nyɛ ko ya ja mawu kpahi, nɛ nyɛ ko sɔmɔ mɛ hulɔ.

Mose V, 13:2

bɔ nɛ pee nɛ e kpaka nyɛ kɛ ya ja Mawu kpahi, nɛ pohu nyɛ ja we mɛ hyɛ ɔ, ke kaa níhi nɛ e wo a he si ɔ ba mi tete po ɔ,

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Mose II, 20:3

“Ko ja mawu ko kɛ piɛ ye he.

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Yeremia 32:30

Kɛ je blema teteete ɔ, yayami sɔuu lɛ Israel bi, kɛ Yuda bi ngɛ pee, nɛ a kɛ ngɛ ye mi mi la woe.

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?