Yeremia 25:4 - BAIBLO ALOO NGMAMI KLƆUKLƆU Ɔ

⁴ Daa nɛ ɔ, Yawɛ tsɔɔ e tsɔli gbali ɔmɛ kɛ baa nyɛ ngɔ. Se nyɛ bui mɛ tue, nɛ sɛ gbi nɛ a kɛ ba a hu nyɛ bui.

Yeremia 25:4 ပူးပေါင်းရင်းမြစ်များ

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yeremia 36:31

Ma gbla mo, kɛ o nina, kɛ o ma nimeli ɔmɛ a tue ngɛ nyɛ ní yayami ɔmɛ a he. Mo jio, Yerusalem ma mi bi ɔmɛ jio, Yuda bi ɔmɛ jio, nyɛ ti nɔ ko nɔ ko bui ye kɔkɔ bɔmi munyu ɔmɛ tue fɛɛ. Lɔ ɔ he ɔ, ní yayamihi nɛ i to kaa a maa ba nyɛ nɔ ɔ, jehanɛ lɛɛ ma ha nɛ jamɛ a ní ɔmɛ maa ba nyɛ tsuo nyɛ nɔ.’ ”

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Yeremia 29:19

Ní nɛ ɔmɛ maa ba a nɔ, ejakaa sɛ gbi ɔ nɛ i haa mɛ be tsuaa be kɛ guu ye tsɔli gbali ɔmɛ a nɔ ɔ, a bui fɛɛ. A sume kaa a maa nu kɛ a tue po.

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Yeremia 17:23

Nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu, a pee we. A wa tue, bɔ nɛ pee nɛ a ko nu nɔ́ nɛ i ngɛ mɛ dee ɔ, nɛ a ba kase ní.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 25:7

Se Yawɛ nitsɛ de ke nyɛ bui lɛ tue fɛɛ. Mohu ɔ, nyɛɛ kɛ nyɛ we amaga amɛ wo e mi mi la, nɛ nyɛɛ kɛ ye nyɛ nitsɛmɛ nyɛ he awi.

Kronika II, 33:10

Yawɛ bɔ Manase kɛ e ma a kɔkɔ, se a bui tue.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Kronika II, 24:19

Yawɛ tsɔ gbali kɛ ba a ngɔ, konɛ a ba kpale mɛ kɛ ba lɛ Yawɛ ɔ ngɔ ekohu; se ma a bui mɛ tue.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.