Yeremia 25:34 - BAIBLO ALOO NGMAMI KLƆUKLƆU Ɔ

³⁴ Nyɛ ma nɔ yeli nɛ nyɛ hyɛɛ ye ma a nɔ, nyɛɛ wo yana nɛ nyɛ kpa bubuubui! Nyɛɛ ye kɔmɔ, nɛ nyɛɛ ngɔ nyɛ he kɛ wuwlua si ngɛ la zu mi; ejakaa ligbi ɔ nɛ a maa gbe nyɛ ɔ su. A ma tsɔtslɔɔ nyɛ mi kaa bɔ nɛ a tsɔtslɔɔ agbosu mi.

Yeremia 25:34 ပူးပေါင်းရင်းမြစ်များ

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Daniel 11:8

E maa muɔ a mawu ɔmɛ, amaga amɛ, kɛ sika hiɔ kɛ sika tsu ní kpakpa amɛ kɛ ya Egipt. Nɛ e kɛ Siria matsɛ ɔ be ta hwue hu jeha babauu.

Ezekiel 34:20

“Lɔ ɔ he ɔ, jehanɛ lɛɛ tohi nɛ wo zɔ, kɛ tohi nɛ tã he lo ɔ, imi Nyɔmtsɛ Yawɛ nitsɛ ma kojo a kpɛti.

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yeremia 48:26

Bɔ nɛ Yawɛ de ji nɛ ɔ nɛ: “Nyɛ ha nɛ Moab nɛ pee kaa nɔ ko nɛ tɔ dã, ejakaa e te si kɛ si mi. Moab ma kokloo si ngɛ lɛ nitsɛ e vie mi, nɛ nihi maa muɔ lɛ.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 25:36

Nyɛ wo yana nɛ nyɛ ngɛ bubuubui kpae kɛ hɛdɔ, ejakaa Yawɛ puɛ nyɛ sihi he ɔmɛ. Yawɛ kɛ abofu kpata nyɛ tue mi jɔmi ma a hɛ mi pɛsɛpɛsɛ.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Yesaya 34:6

E klaate ɔ he maa pee kɛ muɔ kɛ zɔ kaa jijɔhi, kɛ akpakpohi a muɔ kɛ zɔ nɛ a kɛ ngɛ bɔ sãe. Yawɛ maa sã bɔ nɛ ɔ ngɛ Bozra ma a mi; e ma pue a muɔ si nyamaa ngɛ Edom zugba a nɔ.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 30:14

E maa gbɛ tsɔkɔtsɔkɔ kaa zu buɛ; e maa ywia yayaa, bɔ nɛ a be ngɛyu bɔbɔyoo po nae ngɛ mi nɛ a kɛ je la, loo nɛ a kɛ yɛ nyu ngɛ nɔ́ mi.”

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 2:16

Spania lɛ nguaa amɛ kɛ a he fɛu ɔ tsuo e ma ha a ma mu.

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Yakobo 5:5

Nyɛ na ní kpɔtɔɔ, nɛ nyɛ bua jɔ nyɛ he saminya ngɛ je ɔ mi. Ní kpakpahi nɛ nyɛ ye ɔ ha nyɛ wo zɔ saminya kɛ ha ligbi nɛ a ma kpata nyɛ hɛ mi ɔ.

Yesaya 34:7

Nimli ɔmɛ ma gbo kaa pu mi nahi, kɛ na ku katsɛmɛ. Zugba zu ɔ maa pee tsutsuutsu kɛ muɔ, nɛ zɔ ɔ ma futu zu ɔ tsɔfii.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Yeremia 48:38

Ngɛ tsuhi a yi mi, kɛ blɔhi a nɔ ngɛ Moab zugba a nɔ ɔ, nɔ́ nɛ o maa nu kɛkɛ ji kɔmɔ yemi, ejakaa i ha nɛ Moab pee kaa buɛ nɛ ywia wɔtsɔwɔtsɔ nɛ nɔ ko sume hu.

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.

Zakaria 10:3

Yawɛ ke, “Hyɛ, ye mi mi fu to hyɛli ɔmɛ saminya; ma gbla ma nimeli ɔmɛ a tue kokooko. Yuda a, ye ma ji mɛ, nɛ imi Yawɛ Tabohiatsɛ nitsɛ ma hyɛ a nɔ. Ma ha a he maa wa saminya kaa ta okpɔngɔ.

Zakaria 11:3

Nyɛɛ bu tue! To hyɛli ɔmɛ ngɛ awe nyae, ejakaa a hɛ mi nyami ɔ ta. Jata amɛ ngɛ huãe, ejakaa a kpata hue ɔ nɛ ngɛ Yordan pa a nya a hɛ mi.

Yeremia 23:1

Ma nɔ yeli nɛ kpataa Yawɛ ma a hɛ mi, nɛ a gbɛɛ mɛ ngɔ fĩaa a, musu tloo mɛ!