Yeremia 25:3 - BAIBLO ALOO NGMAMI KLƆUKLƆU Ɔ

³ “Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Yeremia 25:3 ပူးပေါင်းရင်းမြစ်များ

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Yeremia 11:7

Benɛ i je a nɛmɛ ɔmɛ kɛ je Egipt zugba a nɔ ɔ, i ka a hɛ mi saminya nɛ i de mɛ ke a bu mi tue. Kikɛ nɛ ɔ nɔuu i ngɛ ma a hɛ mi kae kɛ ba si mwɔnɛ ɔ.

Yeremia 1:2

Yuda matsɛ Yosia, Amon binyumu ɔ yi nɔ jeha nyɔngma kɛ etɛne ɔ mi ɔ, Yawɛ kɛ Yeremia tu munyu.

Yeremia 7:13

Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Yeremia 29:19

Ní nɛ ɔmɛ maa ba a nɔ, ejakaa sɛ gbi ɔ nɛ i haa mɛ be tsuaa be kɛ guu ye tsɔli gbali ɔmɛ a nɔ ɔ, a bui fɛɛ. A sume kaa a maa nu kɛ a tue po.

Kronika II, 34:8

Matsɛ Yosia yi nɔ jeha nɛ ji nyɔngma kɛ kpaanyɔ ɔ, e julaa zugba a, nɛ e tsukɔ Yawɛ, e Mawu ɔ we ɔ he. Be nɛ e gbe nya a, e tsɔ nihi etɛ konɛ a ya dla Yawɛ, e Mawu ɔ we ɔ. Ni ɔmɛ ji Azalia bi Shafan, amlaalo ɔ nɛ ngɛ Yerusalem, nɛ a tsɛɛ lɛ Maaseya a, kɛ Yoahaz bi Yoa, ma ní tsulɔ nɔkɔtɔma kake.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Yohane 8:47

Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”

Yohane 8:2

E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 25:4

Daa nɛ ɔ, Yawɛ tsɔɔ e tsɔli gbali ɔmɛ kɛ baa nyɛ ngɔ. Se nyɛ bui mɛ tue, nɛ sɛ gbi nɛ a kɛ ba a hu nyɛ bui.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

La 81:13

I na nɛ ye ma a bu mi tue; i na nɛ Israel bi ɔmɛ nyɛɛ ye se!

Matsɛmɛ I, 22:3

Ahab de e tsɔli ɔmɛ ke, “Tse nyɛ le kaa wa ma ji Ramot nɛ ngɛ Gilead ɔ! Mɛni he je mɔ nɛ wa bɔɛ mɔde nɛ wa ya kpɔ lɛ ngɛ Siria matsɛ ɔ dɛ ɔ?”

Mose II, 8:20

Yawɛ de Mose ke, “Moo bu tue! Hwɔɔ mɔtu ɔ, Farao ɔ maa ya Nilo pa a nya. Yaa nɛ o kɛ lɛ ya kpe ngɛ lejɛ ɔ, nɛ o de lɛ ke bɔ nɛ Yawɛ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Kronika II, 34:1

Yosia ye jeha kpaanyɔ benɛ e bɔni tsɛ yemi ngɛ Yuda ma a nɔ, nɛ e hi Yerusalem kɛ ye matsɛ jeha nyingmi etɛ kɛ kake.

Kronika II, 36:15

Se kɛ̃ ɔ, Yawɛ, a nɛmɛ a Mawu ɔ ngmɛɛ we e ma a he. Daa nɛ ɔ, e tsɔɔ e gbali ɔmɛ nɛ a ya bɔɔ mɛ kɔkɔ, ejakaa e sume kaa e ma a, loo Yerusalem hɛ mi nɛ kpata.

Yeremia 7:25

Kɛ je ligbi ɔ nɛ nyɛ nɛmɛ ɔmɛ je Egipt hluu kɛ ba si mwɔnɛ ligbi nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ daa be tsuaa be.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Yeremia 35:14

Mlaa nɛ Yonadab, Rekab bi ɔ wo e nina ke a ko nu wai ɔ, a ye nɔ. Nɛ kɛ ba si mwɔnɛ ɔ, a ti nɔ ko nɔ ko nui dã. Nyɛɛ lɛɛ kpamisa nɛ ɔ, i kɛ nyɛ ngɛ munyu tue, se nyɛ bui mi tue fɛɛ.

Yeremia 36:1

Yuda matsɛ, Yehoyakim yi nɔ jeha eywiɛne ɔ mi ɔ, Yawɛ kɛ mi tu munyu nɛ e de ke,

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Kronika II, 24:19

Yawɛ tsɔ gbali kɛ ba a ngɔ, konɛ a ba kpale mɛ kɛ ba lɛ Yawɛ ɔ ngɔ ekohu; se ma a bui mɛ tue.

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Ezekiel 33:4

Nɔ tsuaa nɔ nɛ maa nu bɛ nɛ ɔ nɛ e be bue ɔ, ke he nyɛli ɔmɛ ba gbe lɛ ɔ, e gbenɔ ɔ sa lɛ nitsɛ.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.