Yeremia 25:12 - BAIBLO ALOO NGMAMI KLƆUKLƆU Ɔ

¹² Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 25:12 ပူးပေါင်းရင်းမြစ်များ

Daniel 9:2

Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yeremia 29:10

“Yawɛ ke, ‘Babilonia jeha nyingmi kpaago ɔ se ɔ, ma kai nyɛ. Nɛ, si nɛ i wo ke ma ngɔ nyɛ kɛ ba we ekohu ɔ, ma ye jamɛ a siwo ɔ nɔ.

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Ezekiel 35:9

Ma pee mo pasaa kulaa. O ma amɛ maa pee ma dokuhi, nɛ nɔ ko nɔ ko be a mi hie hu. Kɛkɛ ɔ, o maa le kaa imi ji Yawɛ.

Yeremia 25:14

Ma wo Babilonia bi ɔmɛ hiɔ ngɛ níhi nɛ a pee ɔ a he; mɛ hu a ma ba sɔmɔ je mahi babauu, kɛ matsɛmɛ nguanguahi kaa nyɔguɛhi.’ ”

Yeremia 23:2

Ma nɔ yeli ɔmɛ nɛ sa kaa a hyɛ ma a nɔ saminya a, bɔ nɛ Yawɛ, Israel Mawu ɔ ngɛ dee ngɛ a he ji nɛ ɔ nɛ: “Nyɛ hyɛ we ye ma a nɔ fɛɛ! Nyɛ gbɛ mɛ ngɔ fĩa, nɛ nyɛ fie mɛ kɛ ho. Lɔ ɔ he ɔ, ma gbla nyɛ tue ngɛ nyɛ ní peemi ní yayami ɔmɛ a he.

Yesaya 46:1

“Babilon mawu ɔmɛ a nyagbe ji nɛ ɔ nɛ. Be ko ɔ, a ja Bel kɛ Nebo. A hɛɛɔ mɛ kɛ hii si poe. Se jehanɛ lɛɛ a plɛ pee tlomi ngɛ tejihi nɛ pɔ tɔ mɛ a se mi.

Yesaya 20:1

Asiria matsɛ, Sargon fa Asiria asafoatsɛngua a ke e ya tua Filisti bi a ma nɛ a tsɛɛ Ashdod ɔ.

Yesaya 15:6

Nimrim pa a mii ta, nɛ nga nɛ ngɛ pa a nya a gbli; nɔ́ mumu ko kulaa be lejɛ ɔ hu.

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 27:22

A maa ngɔ ní nɛ ɔmɛ kɛ maa ya Babilonia, ya to ngɛ lejɛ ɔ kɛ yaa si ma kai mɛ. Kɛkɛ ɔ, ma kpale mɛ kɛ ba to a blɔ he ngɛ hiɛmɛ nɛ ɔ ekohu. Imi, Yawɛ lɛ i de.”

Habakuk 1:17

Anɛ a kɛ klaate maa hi nihi gbee daa, nɛ a maa ya nɔ nɛ a kpata je ma amɛ a hɛ mi, nɛ a be mɔbɔ nae lo?