Yeremia 24:8 - BAIBLO ALOO NGMAMI KLƆUKLƆU Ɔ

⁸ “Se ni nɛmɛ nɛ piɛ nɛ a nuu we mɛ kɛ yɛ Babilonia a, bɔ nɛ a peeɔ ngmɔkɔ nɛ sa nɛ hí yemi ɔ, jã pɛ imi, Yawɛ ma pee mɛ. Mɛ ji Yuda matsɛ, Zedekia, ma nimeli ɔmɛ, Yerusalem ma mi bi ɔmɛ nɛ piɛ ngɛ zugba a nɔ, kɛ ni nɛmɛ nɛ ho Egipt ya a.

Yeremia 24:8 ပူးပေါင်းရင်းမြစ်များ

Yeremia 43:1

I bɔ ma a níhi tsuo nɛ Yawɛ, a Mawu ɔ tsɔ mi ke ma ba de mɛ ɔ.

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”

Yeremia 24:2

Ngmɔkɔ kpakpahi ngɛ kekleekle kusii ɔ mi; a ngɛ kaa ngmɔkɔhi nɛ fuu kɛ sɛɛ hlami ɔ. Kusii enyɔne ɔ lɛɛ ngmɔkɔ yayahi nɛ hí yemi lɛ ngɛ mi.

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Yeremia 24:5

“Imi Yawɛ, Israel Mawu ɔ, i buu ni ɔmɛ nɛ a nuu kɛ ho Babilonia ya a nimli kpakpahi saminya kaa bɔ nɛ ngmɔkɔ kpakpa nɛ ɔmɛ ngɛ ɔ pɛpɛɛpɛ. Enɛ ɔ he je ɔ, ma hyɛ a nɔ saminya.

Yeremia 21:10

I pee ye juɛmi kaa ja i kpata ma nɛ ɔ hɛ mi kokooko; i be nyɛ mɔbɔ nae. Ma ngɔ ma a kɛ wo Babilonia matsɛ ɔ dɛ mi nɛ e maa mɛ he la. Imi, Yawɛ lɛ i de.”

Yeremia 44:1

Yawɛ ha mi sɛ gbi nɛ ɔ nɛ kɔɔ Israel bi tsuo nɛ ngɛ Egipt ɔ a he, nihi nɛ ngɛ Migdol, Tapanhes, kɛ Memfis ma amɛ a mi, kɛ ni nɛmɛ nɛ ngɛ zugba a leneyi je ɔ tsuo.

Kronika I, 3:15

Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

Yeremia 13:7

Kɛkɛ nɛ i kpale kɛ ho Yufrate pa a nya ya, nɛ i ya tsua bɔjuɛ ɔ kɛ je puɔ ɔ mi he nɛ i ngɔ ya laa ngɛ ɔ. Se i na kaa bɔjuɛ ɔ puɛ; e hí kɛ ha nɔ́ ko nɔ́ ko peemi hu.