Yeremia 24:2 - BAIBLO ALOO NGMAMI KLƆUKLƆU Ɔ

² Ngmɔkɔ kpakpahi ngɛ kekleekle kusii ɔ mi; a ngɛ kaa ngmɔkɔhi nɛ fuu kɛ sɛɛ hlami ɔ. Kusii enyɔne ɔ lɛɛ ngmɔkɔ yayahi nɛ hí yemi lɛ ngɛ mi.

Yeremia 24:2 ပူးပေါင်းရင်းမြစ်များ

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Yeremia 29:17

Yawɛ Tabohiatsɛ ɔ ke, ‘Ma ha nɛ ta, hwɔ, kɛ gbenɔ hiɔ ma ba sɛ a kpɛti; nɛ ma ha a maa pee kaa ngmɔkɔ nɛ sa, nɛ hí yemi.

Nahum 3:12

O mɔ nguangua amɛ tsuo maa pee kaa ngmɔkɔ tsohi nɛ a nɔ yiblii fu. Nɔ ko nɛ huanya tso ɔ piɔ kaa yiblii ɔmɛ be tsɔe ba nɔ nɔ ɔ nya mi klom lo!

Mose IV, 18:13

Jã kɛ̃, nɔ́ tsuaa nɔ́ nɛ puɛɔ ngɛ a zugba a nɔ ɔ, a kekleekle yiblii nɛ a kɛ ba haa mi ɔ maa pee o nɔ. O we mi bimɛ tsuo nɛ a he tsɔ ɔ, a ye eko.