Yeremia 24:10 - BAIBLO ALOO NGMAMI KLƆUKLƆU Ɔ

¹⁰ Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 24:10 ပူးပေါင်းရင်းမြစ်များ

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 9:16

Ma gbɛ mɛ ngɔ fĩa je mahi nɛ a kɛ a nɛmɛ ɔmɛ tsuo nui a he hyɛ ɔ a nɔ, nɛ ma ha nɛ ta maa nyɛɛ a se hluu kɛ yaa si ma kpata a hɛ mi pɛsɛpɛsɛ.”

Yeremia 5:12

Yawɛ ma mi bi ɔmɛ sisi mɛ nitsɛmɛ a he, nɛ a de ke, “Yawɛ loo! Mɛni e ma nyɛ maa pee? Haomi ko haomi ko be wa nɔ bae fɛɛ! Ta, loo hwɔ hu be bae.”

Mose V, 28:21

Yawɛ ma ha hiɔ nɛ gbee nɔ maa ba nyɛ nɔ nɔtonɔto kɛ yaa si e ma kpata nɔ tsuaa nɔ hɛ mi ngɛ zugba a nɛ nyɛ yaa ngɔ ɔ nɔ.

Yeremia 21:9

Nɔ tsuaa nɔ nɛ maa hi ma nɛ ɔ mi ɔ, e yi maa ta; ta, loo hwɔ, loo gbenɔ hiɔ maa gbe lɛ. Se nɔ tsuaa nɔ nɛ maa je ma a mi kɛ ya Babilonia bi nɛ ba sa ma a yi ɔ a ngɔ, nɛ e ma ya nu a nane ɔ, e yi ma na wami; nɛ e maa ya we mi hɛ ngmengmle.

Yeremia 42:17

Nyɛ ti nihi tsuo nɛ maa pee a yi mi kaa a ma ya hi Egipt ɔ, ke a nɔɛ ta a, lɛɛ mi mi hwɔ, loo gbenɔ hiɔ maa gbe mɛ. Tue gblami nɛ i kɛ maa ba jamɛatsɛmɛ ɔmɛ a nɔ ɔ, nɔ ko nɔ ko be piɛe, nɛ nɔ ko nɔ ko hu he be mi jee.’

Matsɛmɛ I, 14:15

Yawɛ maa gbla Israel tue, nɛ Israel ma mimiɛ kaa ngɔwu ngɛ pa mi. Yawɛ maa hia Israel ma a kɛ je zugba kpakpa nɛ ɔ nɛ e ngɔ kɛ ha a nɛmɛ ɔmɛ ɔ nɔ, nɛ e maa gbɛ mɛ ngɔ fĩa kɛ yaa si Yufrate pa a se. Yawɛ maa pee enɛ ɔ, ejakaa a ya puɛ amagahi ngɔ ha a yo mawu Ashera a, nɛ a kɛ nɔ́ nɛ ɔ wo lɛ, Yawɛ ɔ mi mi la.

Yeremia 9:15

Lɔ ɔ he ɔ, nyɛɛ bu nɔ́ nɛ imi, Yawɛ Tabohiatsɛ, Israel Mawu ɔ, i to kaa ma pee ɔ tue: ma gbla ye ma mi bi ɔmɛ a tue. Ma ha mɛ agba nɛ a ye, kɛ duɔ nɛ a nu.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 29:17

Yawɛ Tabohiatsɛ ɔ ke, ‘Ma ha nɛ ta, hwɔ, kɛ gbenɔ hiɔ ma ba sɛ a kpɛti; nɛ ma ha a maa pee kaa ngmɔkɔ nɛ sa, nɛ hí yemi.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 32:25

Se Nyɔmtsɛ Yawɛ lee, mo lɛ o fa mi ke ma he zugba a ngɛ odase yeli a hɛ mi, be mi nɛ o le paa kaa a ngɔ ma a kɛ wo Babilonia bi ɔmɛ a dɛ mi.”

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Ezekiel 6:11

Bɔ nɛ Nyɔmtsɛ Yawɛ de ji nɛ ɔ nɛ: “Tsɛ̃ o nguɛ nya! Ngɔɔ o nane kɛ si si! De ke akuanyɛ, musu tloo Israel ma a ngɛ yayamihi tsuo nɛ a pee ɔ he. Ta ma kpata ni komɛ a hɛ mi; mi mi hwɔ maa gbe ni komɛ; nɛ gbenɔ hiɔ maa ngɔ ni komɛ hu kɛ ho!