Yeremia 24:1 - BAIBLO ALOO NGMAMI KLƆUKLƆU Ɔ

¹ Yawɛ je nina ko ngɔ tsɔɔ mi be ko. I na kusii enyɔ kɛ a mi ngmɔkɔ nɛ maa si ngɛ Yawɛ we ɔ hɛ mi. Jamɛ a be ɔ mi ɔ, Babilonia matsɛ, Nebukadnezar nuu nimli nɛ ɔmɛ nyɔguɛ kɛ je Yerusalem kɛ ho Babilonia ya momo: Yuda matsɛ, Yehoyakin, Yehoyakim bi ɔ, Yuda ma nimeli, ga ní tsuli, kɛ sɔli.

Yeremia 24:1 ပူးပေါင်းရင်းမြစ်များ

Yeremia 29:2

Benɛ i ngma womi nɛ ɔ, jamɛ a be ɔ, nimli nɛ ɔmɛ je Yerusalem momo. Mɛ ji Matsɛ Yehoyakin, e nyɛ, matsɛ we ɔ tsɔli ɔmɛ, ma nimeli ɔmɛ nɛ ngɛ Yuda kɛ Yerusalem, ga ní tsuli ɔmɛ, kɛ sɔli ɔmɛ.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Zakaria 3:1

I na nina kpa ko. Yawɛ ha nɛ i na osɔfo nɔkɔtɔma pe kulaa Yoshua nɛ daa si ngɛ Yawɛ bɔfo ɔ hɛ mi; nɛ Abosiami ba daa si ngɛ Yoshua hiɔ nɔ, konɛ e po Yoshua nya.

Zakaria 1:20

Jehanɛ Yawɛ tsɔɔ mi ga ní tsuli eywiɛ.

Amos 7:7

Jehanɛ, nɔ́ kpa ko hu nɛ Nyɔmtsɛ ɔ je ngɔ tsɔɔ mi ngɛ nina mi ji nɛ ɔ nɛ. I na Nyɔmtsɛ ɔ nɛ e hɛɛ sumui kɛ e nya kpa kɛ daa si ngɛ gbogbo ko he.

Amos 7:4

Nɔ́ kpa ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ: Nyɔmtsɛ Yawɛ tsɔɔ mi bɔ nɛ e ngɔ la kɛ gbla e ma a tue. La a sã muɔ voo ɔ nɛ ngɛ zugba a sisi ɔ, nɛ e bɔni zugba a hu sami.

Amos 7:1

Nɔ́ ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ. I na lɛ nɛ e ngɛ baalɛhi babauu bɔe be mi nɛ a poo nga kɛ ha matsɛ ɔ ta. Jamɛ a be ɔ mi nɔuu lɛ nga mumu bɔni puɛmi ekohu.

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Ezekiel 19:9

A ngɔ gbowehi kɛ gbla lɛ kɛ wo daka ko mi, nɛ a kɛ lɛ ya ha Babilonia matsɛ ɔ. A wo lɛ tsu ngɛ mɔ ɔ mi, konɛ a ko nu e gbi ngɛ Israel yo ɔmɛ a nɔ hu.

Matsɛmɛ II, 24:10

E yi nɔ ɔ, Babilonia matsɛ, Nebukadnezar tsɔli ɔmɛ hia ta kɛ ya Yerusalem nɛ a ya sa ma a yi.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Yeremia 28:4

Yuda matsɛ, Yehoyakin, Yehoyakim bi ɔ, kɛ Yuda ma a tsuo nɛ a nuu mɛ kɛ ho Babilonia ya a, mɛ hu ma kpale mɛ kɛ ba hiɛ ɔ ekohu. Niinɛ, Babilonia matsɛ ɔ he wami ɔ, ma he ngɛ e dɛ. Imi, Yawɛ lɛ i de.’ ”

Yeremia 29:1

I ngma womi kɛ mane osɔfo ɔmɛ, gbali ɔmɛ, ma nikɔtɔma amɛ, kɛ ma a tsuo nɛ Babilonia matsɛ, Nebukadnezar ngɔ kɛ je Yerusalem kɛ ho Babilonia ya a.

Yeremia 37:1

Babilonia matsɛ, Nebukadnezar wo Zedekia, Yosia bi ɔ Yuda matsɛ ngɛ Yehoyakim bi Yehoyakin nane mi.

Yeremia 13:19

A sa Yuda leneyi je ma amɛ a yi; nɔ ko nɔ ko be nɛ maa je ngmlaa ha mɛ. A nuu Yuda bi ɔmɛ tsuo nyɔguɛ kɛ ho.”

Ezekiel 17:4

E ngɔ kɔni mumu nɛ e ku ɔ kɛ ho ma ko nɛ a yeɔ jua ngɛ mi mi ya, nɛ e ya ma tso ɔ ngɛ lejɛ ɔ.