Yeremia 23:5 - BAIBLO ALOO NGMAMI KLƆUKLƆU Ɔ

⁵ Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 23:5 ပူးပေါင်းရင်းမြစ်များ

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 52:13

Yawɛ ke, “Ye tsɔlɔ ɔ maa ye manye ngɛ e ní tsumi mi; a ma wo e nɔ gojoo, nɛ a maa wo e hɛ mi nyami babauu!

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

Yeremia 30:3

ejakaa be ma nɛ ma pee ye ma Israel, kɛ Yuda saminya ekohu. Zugba a nɛ i ngɔ kɛ ha a nɛmɛ ɔmɛ ɔ, ma kpale mɛ kɛ ba jamɛ a zugba a nɔ ekohu, nɛ e ma ba pee a weto ní. Imi, Yawɛ lɛ i de.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Hebribi 8:8

Se Mawu na kaa a tɔ̃; enɛ ɔ he je nɛ e de ke, “Be ma nɛ i kɛ Israel, kɛ Yuda maa so somi he.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yeremia 31:27

“Imi Yawɛ, i ngɛ dee ke, be ma nɛ ma ha nɛ nimlihi, kɛ lohwehi ma hyi Israel zugba a, kɛ Yuda zugba a nɔ tɔ.

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Ezekiel 34:29

Ma ngɔ zugba nɛ baa ní saminya kɛ ha mɛ; nɛ ma ha hwɔ se maa po kulaa ngɛ zugba a nɔ; kɛkɛ ɔ, je ma amɛ be a he guɛ gbee ngɛ je ɔ mi hu.

La 80:15

Wai tso bɔbɔyoo ɔ nɛ mo nitsɛ o ma, nɛ o hyɛ nɔ saminya kɛ ya si e bɔ kikɛ nɛ ɔ, ba nɛ o ba he e yi wami.

La 45:4

Yaa! Hii okpɔngɔ nɔ kɛ ya ye kunimi, nɛ o kɔsɔ. Yaa nɛ o ya fa anɔkuale, kɛ dami sane he! Ngɔɔ o he wami ɔ kɛ tsu nyakpɛ ní nguanguahi!

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Yeremia 22:15

Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yeremia 29:11

Yi mi nɛ i to ngɛ nyɛ he ɔ, imi nɔ kake too pɛ lɛ i le; i to nɛ ma ha nɛ nyɛ he mi nɛ jɔ nyɛ, se pi kaa ma hao nyɛ. Ní kpakpahi nɛ nyɛ ngɛ blɔ hyɛe ɔ, i to nɛ ma ha nyɛ.

Ezekiel 21:27

Ma doku, ma doku oo, ma doku! Ma pee ma a ma doku! Se nɔ́ nɛ ɔ be mi bae kɛ yaa si nɔ nɛ e sa kaa e tsuɔ nɔ́ nɛ ɔ maa ba; nɛ ma ngɔ ma a kɛ wo e dɛ mi.

Ezekiel 45:8

Zugba nɛ ganɔ nɛ ngɛ ma a nɔ yee ɔ ma na ngɛ Israel bi ɔmɛ a kpɛti ji nɛ ɔ nɛ. Ke nyɛ pee ja a, ganɔ ɔmɛ be ye ma a blɔ nya ní kpɔe ngɛ a dɛ, se mohu a maa dla zugba a mi kɛ ha wɛtso ɔmɛ pɛpɛɛpɛ.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 33:5

Yawɛ kle! E ngɛ he wami ngɛ nɔ́ tsuaa nɔ́ nɔ. E ma ha a maa ye dami sane sɔuu; anɔkuale pɛ a maa tu ngɛ Yerusalem be tsuaa be,

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.